მიმდინარე კვირას ჩემპიონთა ლიგის 1/4 ფინალური შეხვედრები გაიმართება. ყველაზე დიდ ინტერესს იწვევს “მილანისა” და “ბარსელონას” დაპირისპირება.
იტალიის ჩემპიონატის 29-ე ტურში, სადაც “მილანი” საშინაო მატჩს მართავდა დედაქალაქურ “რომასთან”, ტრავმა მიიღო იტალიელთა მცველმა, ტიაგო სილვამ. ამის გამო მან შეხვედრის 11-ე წუთზე მოედანი დატოვა და ასპარეზი ჯანლუკა ზამბროტას დაუთმო. ჯერ-ჯერობით უცნობია შესძლებს, თუ ვერა სილვა ჩემპიონთა ლიგის პირველ 1/4 ფინალურ შეხვედრაში მონაწილეობის მიღებას.
შეგახსენებთ, რომ ევროპის უმაღლესი საკლუბო ტურნირის ფარგლებში “ბარსელონა” გასვლით მატჩს გამართავს იტალიურ “მილანთან”. მატჩი 28 მარტს, “სან სიროზე” შედგება.



