დავიდ ვილია (ტუილია, ასტურია, 1981) “ბარსაში” გამოცდილი თავდამსხმელის სტატუსით მოვიდა და “ბლაუგრანას” რიგებში ყველა დროის ერთ-ერთი საუკეთესო ესპანელი ფორვარდის სახელი საბოლოოდ დაიმკვიდრა.
“ხიხონის სპორტინგში” დაწყებული კარიერის შემდეგ, დავიდ ვილია “ბარსაში” “ვალენსიაში” გატარებული ძალიან წარმატებული პერიოდის შემდგომ გადმოვიდა. ბრძოლისუნარიანი, სწრაფი და ბრწყინვალე გოლეადორი, იგი ყველა დროის ერთ-ერთი საუკეთესო ესპანელი თავდამსხმელი იყო. თავმდაბალი ხასიათის წყალობით მან მალევე ყველგან დაიმსახურა სიყვარული, სადაც კი უთამაშია.
მეტსახელად “El Guaje” (“ბავშვი”) – სახელი, რომელიც მას მშობლიურ ასტურიასა და “ხიხონის სპორტინგის” ახალგაზრდულ გუნდში თამაშის პერიოდიდან შემორჩა – ვილია “ბარსელონას” “ვალენსიადან” შეუერთდა, სადაც იგი ევროპულ ფეხბურთში ერთ-ერთ ყველაზე მოთხოვნად ფორვარდად იქცა. შესანიშნავი დამგვირგვინებელი თავდამსხმელი ასევე გამოირჩეოდა სისწრაფითა და მოედანზე მაქსიმალური თავდადებით.
“ბარსელონაში” გატარებული დროის განმავლობაში ვილიამ რვა ტიტული მოიგო, რომელთა შორის ყველაზე დასამახსოვრებელი 2011 წლის ჩემპიონთა ლიგის ტიტულია, როდესაც მან “უემბლის” სტადიონზე “მანჩესტერ იუნაიტედის” წინააღმდეგ 3-1 მოგებულ დაუვიწყარ ფინალში მესამე გოლი გაიტანა. “ბარსაში” სამი სეზონის გატარების შემდეგ ვილია მადრიდის “ატლეტიკო” გადავიდა.
კარიერა
- სეზონები კლუბში: 2010-2013
- თამაში: 130
- გოლი: 51
ტიტულები
- 1 ჩემპიონთა ლიგა (2010/11)
- 1 მსოფლიოს საკლუბო ჩემპიონატი (2011/12)
- 1 ევროპის სუპერ თასი (2011)
- 2 ლა ლიგა (2010/11, 2012/13)
- 1 ესპანეთის თასი (2011/12)
- 2 ესპანეთის სუპერ თასი (2010/11, 2011/12)