ერთი დღე “ბარსას” ისტორიაში – 18 ოქტომბერი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 18 ოქტომბერს მოხდა.

თამაშები

18 ოქტომბერს “ბარსელონამ” 16 ოფიციალური თამაში ჩაატარა, საიდანაც კატალონიელებმა 7 მოიგეს, 4 ფრედ დაასრულეს და 5 წააგეს.

1968 წელი

დაიბადა “ბარსელონას” გორგოლაჭებიანი ჰოკეის ყოფილი მოთამაშე კარლეს ფოლგერა. ის ისტორიაში ერთ-ერთ საუკეთესო ჰოკეისტად მიიჩნევა. ფოლგერა “ბლაუგრანაში” 1995-2003 წლებში თამაშობდა. 2002 წლიდან ის “ლა მასიას” დირექტორია.

2000 წელი

ჩემპიონთა ლიგაზე “მილანსა” და “ბარსელონას” შორის იტალიაში გამართული შეხვედრა 3-3 დასრულდა. კატალონიელთაგან სამივე გოლი რივალდომ გაიტანა.

2003 წელი

დაიბადა ალეხანდრო ბალდე.

2014 წელი

“ეიბართან” 3-0 მოგებულ შეხვედრაში ლიონელ მესიმ ლა ლიგაში თავისი 250-ე გოლი გაიტანა.

2017 წელი

ჩემპიონთა ლიგის ჯგუფურ ეტაპზე “ბარსელონამ” “ოლიმპიაკოსი” 3-1 დაამარცხა. 61-ე წუთზე ლიონელ მესიმ საჯარიმო დარტყმით გოლი გაიტანა, რომელიც მისთვის უეფას საკლუბო ტურნირებზე მე-100 აღმოჩნდა. ამ მომენტისთვის არგენტინელს ჩემპიონთა ლიგაზე 97 გოლი ჰქონდა, ევროპის სუპერ თასზე კი 3.

აღსანიშნავია, რომ “ბარსელონა” ჯერ კიდევ პირველი ტაიმიდან ათი კაცით თამაშობდა, რადგან ჟერარ პიკე გააძევეს.