ერთი დღე “ბარსას” ისტორიაში – 3 ივნისი

წარმოგიდგენთ რუბრიკას “ერთი დღე “ბარსელონას” ისტორიაში”. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 3 ივნისს მოხდა.

თამაშები

3 ივნისს “ბარსელონას” 5-ჯერ უთამაშია. კატალონიელებმა 3 მატჩი მოიგეს, 1 ფრედ დაასრულეს და 1 წააგეს.

1928 წელი

ამხანაგურ ტურნირზე მადრიდში “ბარსელონასა” და “რეალ მადრიდს” შორის გამართული შეხვედრა 1-1 დასრულდა. სტუმართაგან გოლი აროჩამ გაიტანა.

1936 წელი

დაიბადა “ბარსელონას” ყოფილი მცველი ენრიკ გენსანა. 1956-1964 წლებში მან “ბლაუგრანას” მაისურით 199 თამაში ჩაატარა და 21 გოლი გაიტანა.

1962 წელს ესპანეთის ნაკრების მთავარმა მწვრთნელმა, ელენიო ერერამ გენსანა მსოფლიო ჩემპიონატზე იმ მიზეზით არ წაიყვანა, რომ “ბარსელონადან” ნაკრებში 7 ფეხბურთელი საკმარისი იყო”.

2013 წელი

“ბარსელონას” ახალწვეულის, ნეიმარის პრეზენტაცია გაიმართა.

2015 წელი

“ბარსელონამ” ჩავი ერნანდესს გამოსამშვიდობებელი ღონისძიება მიუძღვნა.