წარმოგიდგენთ რუბრიკას “ერთი დღე “ბარსელონას” ისტორიაში. ამჯერად შემოგთავაზებთ “ბარსელონასთან “დაკავშირებულ მოვლენებს, რომლებიც 5 იანვარს მოხდა.
თამაშები
5 იანვარს “ბარსელონამ” 20 ოფიციალური თამაში ჩაატარა, საიდანაც კატალონიელებმა 14 მოიგეს, 1 ფრედ დაასრულეს და 5 წააგეს.
1930 წელი
წლის პირველ მატჩში, “ლეს კორტსთან” გამართულ შეხვედრაში “ბარსელონამ” “ატლეტიკო” 4-2 დაამარცხა. გოლები სასტრემ (2) და ბესტიტმა (2) გაიტანეს.
1945 წელი
დაიბადა “ბარსელონას” ყოფილი ფეხბურთელი და მწვრთნელი ხოსე ლუის რომერო. 1970-71 წლებში მან ლა ლიგაში 12 თამაში ჩაატარა. 1983 წელს ის “ბარსას” ერთი მატჩის განმავლობაში წვრთნიდა, მომდევნო სეზონში კი “ბარსელონა ბ-ს” თავკაცი იყო.
1947 წელი
“ბარსელონამ” ესპანეთის მოქმედი ჩემპიონი “სევილია” 5-1 გაანადგურა. გოლები ბრავომ (2), ამოროსმა, სესარმა და სეგერმა გაიტანეს.
1975 წელი
“ბარსელონა” “სანტიაგო ბერნაბეუზე” “რეალ მადრიდთან” 0-1 დამარცხდა.
1998 წელი
დაიბადა “ბარსელონას” ნახევარმცველი კარლეს ალენია.
2015 წელი
სპორტული დირექტორის თანამდებობაზე 4 წლის გატარების შემდეგ “ბარსელონამ” ანდონი სუბისარეტა (სურათზე) დაითხოვა.
ძალიან კარგი რუბრიკაა, მშვენიერი ყოველდღიური საინტერესო ინფორმაციიებით
კაი რუბრიკაა, ყოველ დღე ახალ ინფორმაციას მივიღებთ ბარსას წარსულიდან🤗
ეს რუბრიკა ყოველ დღე უქნება???