დავიდ ვილია პარასკევს საღამაოს ფრანკფურტის გავლით ბარსელონაში ჩამოფრინდა. შეგახსენებთ, რომ ასტურიელმა ფორვარდმა მსოფლიო საკლუბო ჩემპიონატის ნახევარფინალში მოიტეხა მარცხენა ფეხის წვივის დიდი ძვალი. მანელ ესტიარტე თავდამსხმელს კატალონიაში გამოყვა.
ფეხბურთელი ნორმალურ კონდიციებში იმყოფებოდა, როდესაც ბარსელონაში ჩამოფრინდა და საავადმყოფომდეც პრობლემების გარეშე იმგზავრა. ასტურიელს ჩაუტარდება სამედიცინო გამოკვლევები, გადაუღებენ სურათს და მალე გახდება ცნობილი საბოლოო დასკვნა.
