ბარსელონა მხოლოდ იუვენტუსს ჩამორჩება

ესპანეთის ჩემპიონატის 29-ე ტურში “რაიოსთან” გამართული შეხვედრის (1-0) შემდეგ “ბარსელონას” შთამბეჭდავ სერიას კიდევ ერთი მატჩი შეემატა.

ჰანსი ფლიკის გუნდმა ლა ლიგის მიმდინარე გათამაშებაში 15 საშინაო თამაში ჩაატარა და ყველა მათგანი მოიგო. Opta-ს ცნობით, ტოპ 5 ლიგაში 21-ე საუკუნეში აქამდე მხოლოდ ერთხელ მომხდარა, რომ სეზონის სტარტიდან მოყოლებული გუნდს შიდა ჩემპიონატის ამდენი საშინაო თამაში მოეგოს. 2013/14 წლების სეზონში ტურინის “იუვენტუსმა” სერია A-ში ცხრამეტიდან ყველა საშინაო შეხვედრაში იმარჯვა. ეს ის ისტორიული სეზონია, როდესაც “იუვემ” ჩემპიონატში 102 ქულის დაგროვება მოახერხა.

ლა ლიგის მიმდინარე გათამაშებაში “ბარსელონას” შემდეგი საშინაო თამაშები დარჩა: “ესპანიოლი”, “სელტა”, “რეალ მადრიდი”, “ბეტისი”.