ჩავი მზადაა, მანჩესტერ იუნაიტედი ჩაიბაროს

“მანჩესტერ იუნაიტედი”, შესაძლოა, მალე ახალი მთავარი მწვრთნელის ძიებაში აღმოჩნდეს და ერთ-ერთ კანდიდატად მოიაზრება “ბარსელონას” ყოფილი დამრიგებელი ჩავი ერნანდესი, რომელიც უკვე წელზე მეტია, უმუშევარია.

ჩავი “ბარსელონადან” 2023/24 წლების სეზონის ბოლოს დაითხოვეს, რათა მის ადგილზე ჰანსი ფლიკი მოეყვანათ. გათავისუფლებისთანავე მან განაცხადა, რომ ერთწლიანი პაუზის აღებას აპირებდა. მხოლოდ მიმდინარე ზაფხულიდან დაიწყო წინადადებების განხილვა, თუმცა ჯერ მისთვის შესაფერისი ვარიანტი არ გამოჩენილა.

ეს, შესაძლოა, მალე შეიცვალოს, რადგან რუბენ ამორიმზე ზეწოლა “იუნაიტედში” სულ უფრო იზრდება. როგორც ფაბრიციო რომანომ აღნიშნა, ჩავი განსაკუთრებით დაინტერესებულია “ოლდ ტრაფორდზე” მუშაობით.

“ჩავი სწავლობს პრემიერ ლიგას. იგი აკვირდება პრემიერ ლიგას და დაუყოვნებლივ წავიდოდა “მანჩესტერ იუნაიტედში” – თუნდაც ევროპული ტურნირების გარეშე. “წითელ ეშმაკებში” დასაქმების სურვილი ძალიან ძლიერია.”

ჩავი ერნანდესი

ამ დროისთვის “მანჩესტერ იუნაიტედი” ჯერ კიდევ მხარს უჭერს ამორიმს, რომელიც პოსტზე ერთი წელიც არ გამხდარა რაცაა, თუმცა თუ კლუბმა მისი გაშვების გადაწყვეტილება მიიღო, ჩავი მზად იქნება დაუყოვნებლივ ჩაერთოს საქმეში, ეს იქნება მისი მესამე სამწვრთნელო გამოცდილება “ალ სადისa” და “ბარსელონას” შემდეგ. მისთვის “ოლდ ტრაფორდზე” გადასვლა იდეალური ნაბიჯი იქნებოდა კარიერის შემდეგ ეტაპზე.

ახლო აღმოსავლეთში დაბრუნებაც შესაძლებელია

ამავდროულად, ჩავი სხვა ვარიანტსაც განიხილავს. გამოცემა Sport-ის ინფორმაციით, საუდის არაბეთის “ალ იტიჰადი” მას კანდიდატად განიხილავს ლორან ბლანის გათავისუფლების შემდეგ. ამ პოსტისთვის კონკურენტად მოიაზრება “მილანის” ყოფილი მთავარი მწვრთნელი სერჯიო კონსეისაო, რის გამოც ეს ამ მომენტისთვის ორსუბიექტიანი ბრძოლაა.

ჯერ კიდევ უცნობია, როდის დაბრუნდება ჩავი სამწვრთნელო საქმიანობაში. მისი მომავალი არჩევანი უდავოდ დიდი ინტერესის საგანი იქნება.