ლოვრო ჩელფი ბარსა ატლეტიკს შეუერთდება

“ბარსელონა” აგრძელებს ევროპაში ახალგაზრდების მონადირებას, ამჯერად კი ხორვატიაში იპოვა მომავალი ტალანტი. ცნობილმა ინსაიდერმა ფაბრიციო რომანომ დაადასტურა, რომ კლუბმა 18 წლის ლოვრო ჩელფის ტრანსფერზე შეთანხმებას მიაღწია ხორვატულ NK Kustosija-სთან.

ჩელფი შეუერთდება “ბარსა ატლეტიკს”

ახალგაზრდა ნახევარმცველი მომავალ სეზონს კატალონიის სატელიტ კლუბში დაიწყებს, სადაც ეტაპობრივად მოხდება მისი ადაპტაცია.

• საწყისი ტრანსფერის ღირებულება: €300,000;

• შესაძლო ბონუსები: €2 მილიონამდე;

• “ბარსელონამ” შეიძინა მხოლოდ მისი სათამაშო უფლებების 50%.

აღსანიშნავია, რომ კლუბი არ აპირებს ჩელფის იჯარის წესით გაშვებას, რაც მიუთითებს იმაზე, რომ მასთან სამუშაოს სერიოზულად უდგებიან და სავარაუდოა, რომ მას პირველ გუნდთან ვარჯიშის საშუალებაც მიეცემა.

ჩელფის მიმართ ინტერესს ევროპის გრანდებიც იჩენდნენ

“ბარსელონას” “ლივერპული”, “ჩელსი”, “არსენალი” და “დორტმუნდი” უწევდნენ კონკურენციას, თუმცა საბოლოოდ არჩევანი სწორედ კატალონიელებზე შეაჩერა.

ვინ არის ლოვრო ჩელფი?

• აღზრდილია დინამო ზაგრების აკადემიაში, თუმცა 17 წლის ასაკში გადავიდა Kustosija-ში;

• 2024/25 წლების სეზონში ჩაატარა 540 წუთი U19 გუნდში;

• გაიტანა 1 გოლი, ასევე სინიორებში მიიღო დებიუტი ხორვატიის თასზე;

• ეროვნული ნაკრების დონეზე:

  • 3 მატჩი ხორვატიის U18 ნაკრებში

  • ახლახან გამოიძახეს U19 გუნდშიც

“ბარსელონას” თანამშრომლობა ხორვატიულ კლუბებთან

ჩელფი ბოლო სახელია “ბარსას” ხორვატიული პროექტიდან – კლუბმა ცოტა ხნის წინ მიკაილ ფაიე შეიძინა Kustosija-დან და ერთ წელიწადში €11 მილიონად გაყიდა საფრანგეთში. ასევე აქტიური მოლაპარაკებები მიმდინარეობს პორტუგალიელ კარდოსო ვარელას ტრანსფერზე დინამო ზაგრიდან.