ნიკო უილიამსის ტრანსფერი ახლოვდება

“ბარსელონასა” და “ატლეტიკ ბილბაოს” შემტევ ნიკო უილიამსს შორის პირადი კონტრაქტის პირობები უკვე შეთანხმებულია. “ბლაუგრანას” ახლა მთავარი გამოწვევა დარჩა – მისი გამოსასყიდი 58 მილიონი ევროს ოდენობის პუნქტის გააქტიურება.

როგორც გუშინ გავრცელდა, მხარეებს შორის შეთანხმება მიღწეულია და ინფორმაცია დაადასტურა ფაბრიციო რომანომაც. გამოცემა Sport იუწყება, რომ უილიამსი “გიჟდება” “ბარსელონაზე” და მზადაა ყველაფერი გააკეთოს ტრანსფერის განსახორციელებლად. ცნობილია, რომ ფეხბურთელი თვითონაც აპირებს “ბილბაოსთან” მოლაპარაკების თხოვნას, რათა კლუბმა სრული გამოსასყიდი თანხა არ მოითხოვოს, თუმცა “ბარსელონა” მაინც ცდილობს საჭირო თანხის პოვნას. ამ ორ კლუბს ამ ეტაპზე საკმაოდ დაძაბული ინსტიტუციური ურთიერთობები აქვთ.

რა ეტაპზეა “ბარსელონა” გამოსასყიდ თანხასთან დაკავშირებით?

გამოცემა Diario AS იუწყება, რომ “ატლეტიკს” კვლავ აქვს იმედი უილიამსის შენარჩუნებისა. როგორც ისინი, ასევე მიუნხენის “ბაიერნი” ელოდებიან, შეძლებს თუ არა “ბარსელონა” გამოსასყიდის გადახდას. ბილბაოს კლუბი მზადაა უილიამსს ახალი, გაუმჯობესებული კონტრაქტიც შესთავაზოს – უფრო მაღალი ხელფასი, ვიდრე კატალონიაში ექნება.

ამავე დროს, RAC1-ის ცნობით, “ბარსელონას” მოლაპარაკებები დიდ პროგრესს აღწევს. კლუბი და ფეხბურთელი ერთად მუშაობენ იმაზე, რომ გარანტირებული იყოს მისი დარეგისტრირება ლა ლიგის ხელფასის ლიმიტში გამოსასყიდის გადახდამდე.

დეკუ და ჰანსი ფლიკი – ზარის დეტალები

“ბარსელონას” სპორტული დირექტორი დეკუ გუშინ შენიშნეს იბიცაზე, სადაც ის შეხვდა ჰანსი ფლიკს, კლუბის მთავარ მწვრთნელს. როგორც El Chiringuito იუწყება, ისინი ერთად გეგმავდნენ სეზონის განახლებას და სარეკონსტრუქციო გეგმებს. ამ შეხვედრის დროს, ფლიკმა და დეკუმ ნიკო უილიამსს დაურეკეს.

 “დეკუ და ფლიკი გეგმავენ ახალ სეზონს და ნიკო უილიამსს დაუკავშირდნენ” – იუწყება ჟურნალისტი ხოსე ალვარესი.

ისტორიული ტრანსფერი?

თუ ტრანსფერი განხორციელდება, 22 წლის ნიკო უილიამსი “ბარსელონას” ისტორიაში მეცხრე ყველაზე ძვირადღირებული შენაძენი გახდება. შეგახსენებთ, რომ კლუბმა უკვე დაადასტურა თავისი პირველი ტრანსფერი ამ ზაფხულს – “ესპანიოლიდან” ჟოან გარსიას 25 მილიონ ევროდ შეძენა.