შვიდწლიანი პაუზის შემდეგ “ბარსელონას” 19-წლამდელთა გუნდი ახალგაზრდული ჩემპიონთა ლიგის გამარჯვებულია.
ჟულიანო ბელეტის გუნდმა რამდენიმე წუთის წინ დასრულებულ ფინალში თურქული “ტრაბზონსპორი” 4-1 გაანადგურა.
“ბარსამ” კომფორტული უპირატესობა პირველივე ტაიმში მოიპოვა, როდესაც იბრაჰიმ დიარასა და ანდრეს კუენკას გოლებით წინ ანგარიშით 2-0 გავიდა. მეორე ნახევრის დაწყებიდან 12 წუთში თავი გუნდის კაპიტანმა, უგო ალბამ გამოიჩინა, შემდეგ კი დიარამ დუბლი გაიფორმა. თურქების მაქსიმუმი 88-ე წუთზე გატანილი პრესტიჟის გოლი გამოდგა.
ამ მოგებით “ბარსელონა” ახალგაზრდული ჩემპიონთა ლიგის ისტორიაში საუკეთესო გუნდი გახდა. კატალონიელებს ეს ტურნირი უკვე 3-ჯერ აქვთ მოგებული. მეორე პოზიციას კი 2 ჩემპიონობით “ჩელსი” იკავებს.
“ბარსელონამ” სეზონის სამივე ჩემპიონთა ლიგის მოგებისკენ პირველი ნაბიჯი გადადგა. წინ კაცების ჩემპიონთა ლიგის ნახევარფინალები და ქალების ჩემპიონთა ლიგის ფინალია, რომელშიც 24 მაისს კატალონიელები ლონდონის “არსენალს” დაუპირისპირდებიან.
ეხლა ქალების ჯერია.