”ბარსელონას” პირველი გუნდი პრაღაში ჩაფრინდა, სადაც ხვალ ჩემპიონთა ლიგის ჯგუფური ეტაპის მე-4 მატჩში, ”პლზენს” დაუპირისპიდება. თვითმფრინავი აეროპორტში 13 საათზე დაეშვა.
”ბარსას” დელეგაცია პეპ გვარდიოლას მეთაურობით პრაღის აეროპორტში მაქსიმალური მობილიზებით ჩავიდა. ტემპერატურა 10 გრადუსი იყო. ბარსელონადან გუნდი 9:30 საათზე გაფრინდა.
გუნდის 21 ფეხბურთელთან ერთად დელეგაციაში სანდრო როსელი იმყოფებოდა. გუნდს ასევე გაყვნენ დირექტორები, ედუარდ კოლი და რამონ კიერკო, ასევე სპორტული დირექტორი, ანდონი სუბისარეტა.
18:15 საათზე პეპ გვარდიოლა და ხერარდ პიკე პრეს-კონფერენციას გამართავენ. 19 საათზე კი ჩემპიონების ვარჯიში დაიწყება. გუნდი ბარსელონაში ოთხშაბათს, 11 საათზე გაფრინდება.
