ჰანსი ფლიკის კომენტარი ალავესთან მატჩის შემდეგ

უშეცდომოდ თამაში მნიშვნელოვანია. “ალავესი”, “ოსასუნას” მსგავსად, კონტრშეტევებზე ძალიან კარგად მოქმედებდა, ამიტომ მნიშვნელოვანი იყო, შეცდომა არ დაგვეშვა. რთული მატჩი იყო, რადგან “ალავესი” კარგ პრესინგს მიმართავდა, მაგრამ ორივე ტაიმში კარგად ვითამაშეთ.

ლევანდოვსკის “ბაიერნიდან” უკვე ვიცნობდი. რობერტი საოცარი ფეხბურთელია. ჩემთვის ის საჯარიმოში, კარის წინ, საუკეთესოა.

ტორესის შესახებ ჯერ არაფერი ვიცით. ცნობილია მხოლოდ ის, რომ საქმე კუნთს ეხება. ხვალინდელ სამედიცინო შემოწმებამდე უნდა მოვიცადოთ. კუნდემ უბრალოდ დაისვენა.

პირველ ტაიმს დადებითად შევაფასებდი. შეხვედრის მეორე ნახევარი უფრო რთული იყო, “ალავესი” პრესინგს კარგად ახორციელებდა. საბოლოო ჯამში, მოგება დავიმსახურეთ. ვცდილობ, აქამდე დაშვებული შეცდომები გამოვასწორო, მაგრამ ჩემი ფილოსოფია წინსვლაა. ვიცით, რომ “ოსასუნასთან” და “მონაკოსთან” კარგად ვერ ვითამაშეთ, მაგრამ უკვე ყველაფერი გავაანალიზეთ.

რაფინია ძალიან დინამიური მოთამაშეა… მას შეეძლო, კიდევ უკეთესო ყოფილიყო. რაფინიამ დღეს ვერ გაიტანა, მაგრამ ის იბრძვის და ამას ძალიან ვაფასებ.

ვგავართ თუ არა ფლიკის “ბაიერნს”? შედარების გაკეთება არ მინდა, სხვადასხვა სიტუაცია, სხვადასხვა გუნდია. ყველაფერი ძალიან კარგად მიდის, მაგრამ ფეხბურთში შეიძლება რაღაცები ძალიან სწრაფად შეიცვალოს.

კარვახალს ყველაფერს საუკეთსოს ვუსურვებ. რაც შეეხება ტორესს, ჯერ არ ვიცით, რამდენი ხანი გაუცდება.