ჰანსი ფლიკის პრესკონფერენცია ვალენსიასთან მატჩის წინ

ვალენსიაში დებიუტს მოუთმენლად ველოდებით. ვიცით, რომ განსაკუთრებული ატმოსფერო იქნება. რთული მატჩი იქნება, რადგან “ვალენსია” 4-4-2 სქემით კარგად თამაშობს.

ფეხბურთელების რეგისტრაცია? ახლა 22-23 მოთამაშე გვყავს. ვნახოთ, რა მოხდება. ყველა მათგანი ამჟამად გუნდში იმყოფება და მათ თამაშის უფლება აქვთ. ოლმო ხვალ არ იქნება, რადგან ახლახან შემოგვიერთდა და მან მხოლოდ რამდენიმე ვარჯიში ჩაატარა. პირველ რიგში, დანიმ უნდა ივარჯიშოს, რათა ჩვენი დახმარება შეძლოს.

პედრის დაბრუნება ძალიან გამიხარდა. ვნახოთ, ხვალ რა იქნება. შესაძლოა, ის მეორე ტაიმში დაგვეხმაროს.

დე იონგთან და ფატისთან დაკავშირებით ოპტიმისტურად ვარ განწყობილი, მაგრამ მათ გამოსაჯანმრთელებლად ჯერ კიდევ დრო სჭირდებათ. ფრენკისა და ანსუს დაბრუნების თარიღი განსაზღვრული არაა.

ითამაშებს თუ არა იამალი ხვალ? დიახ, მას თამაში შეუძლია.

კმაყოფილი ვარ იმ ფეხბურთელებით, რომლებიც ახლა მყავს. დანარჩენი არ ვიცი, ჩემთვის უცნობია. კლუბის მჯერა და გუნდით ბედნიერი ვარ. როდესაც ტრავმირებული მოთამაშეები დაბრუნდებიან, დარწმუნებული ვარ, ძალიან ძლიერი გუნდი გვეყოლება.

სასტარტო შემადგენლობაზე ბევრი საუბარი არ მინდა, ამას არასდროს ვაკეთებ. გამპერის თასის მატჩში არანაირი გამართლება არ გვაქვს. გუნდი ცოტათი დაღლილი იყო, რადგან თავდაუზოგავად ბევრს ვვარჯიშობდით. “მონაკოსთან” თამაშში ენერგია აღვიდგინეთ.

შეუძლია თუ არა “ბარსას” “რეალ მადრიდთან” კონკურენცია? ამ კითხვას ადრე უკვე ვუპასუხე. ბევრი მაღალი დონის ფეხბურთელი გვყავს. ფეხბურთი მოგებასთან ან წაგებასთან ასოცირდება. თითოუელი თამაშისთვის ვემზადებით.

ბედნიერი ვარ, რომ მას ყოველდღე ვხედავ. ის ბევრს მუშაობს, მაგრამ დრო სჭირდება. გავი შესანიშნავი ფეხბურთელია და მადლობა უნდა გადავუხადო ყველა მწვრთნელს, რომლებიც მის გვერდით არიან და ეხმარებიან. გავიზე ზეწოლა არ მინდა, ის ჯერ 20 წლისაა და უნდა გავუფრთხილდეთ.

ფეხბურთელი, რომელიც მატჩის დროს მსაჯთან ისაუბრებს? ვფიქრობ, მსაჯს დაველაპარაკებით და ვეტყვით, რომელ მოთამაშეს შეეძლება პროტესტის გამოხატვა. ტერ შტეგენი პირველი კაპიტანია და ამიერიდან ეს ასე იქნება.

ტიაგოსთან მისი “ბაიერნში” თამაშის შემდეგ შესანიშნავი ურთიერთობა გვაქვს. როდესაც მან კარიერა დაასრულა, დავუკავშირდი და ვუთხარი, რომ ბრწყინვალე მწვრთნელი იქნებოდა. ის შესანიშნავი ადამიანია, რომელიც გუნდს დაეხმარა. ახლა ტიაგო “ბარსელონას” ტოვებს და არ ვიცი, დაბრუნდება თუ არა.

არ ვფიქრობთ იმაზე, რასაც ვერ შევცვლით. გასამართლებელი მიზეზები ან პრეტენზიები არ იქნება. ამასთან დაკავშირებით წარსულში დიდი გამოცდილება მივიღე. ხვალინდელ თამაშზე ვფიქრობთ და გვინდა, შესანიშნავი მატჩი ჩავატაროთ. განაცხადი ცნობილი ხვალ გახდება.

ყველამ იცის, რა უნდა გააკეთოს ხვალ. “ვალენსია” დიდი ინტენსივობით თამაშობს და ვნახოთ, როგორ განვითარდება მოვლენები.