“ბარსელონას” ლეგენდამ, “ინტერ მაიამის” ახლანდელმა ვარსკვლავმა, ლუის სუარესმა საკლუბო კარიერაში 500-გოლიან ნიშნულს მიაღწია. ამ ინფორმაციას “ბლაუგრანას” ოფიციალური ვებგვერდი ავრცელებს.
კატალონიური კლუბის ოფიციალური საიტის ცნობით, “ბარსას” ისტორიაში მე-3 საუკეთესო ბომბარდირს კლუბებში გატანილი უკვე 500 ბურთი დაუგროვდა.
სუარესმა ყველაზე მეტი, 198 გოლი, “ბარსელონაში” გაიტანა. მან ეს 2014-2020 წლებში გააკეთა.
ურუგვაელ თავდამსხმელს, “ბარსას” გარდა, “ნასიონალში”, “გრონინგენში”, “აიაქსში”, “ლივერპულში”, “ატლეტიკოსა” და “გრემიოში” უთამაშია, ამჟამად კი ის გოლების გატანას ამერიკულ “ინტერ მაიამში” განაგრძობს.
37 წლის შემტევი “ოქროს ბუცის” გამარჯვებული 2-ჯერ გახდა – 2013/14 წლების სეზონში “ლივერპულში” და 2015/16 წლების სეზონში “ბარსელონაში”.
“ბარსაში” სუარესის საუკეთესო სეზონად სწორედ 2015/16 წლების გათამაშება მიიჩნევა, რომელშიც მან 59 გოლი გაიტანა, აქედან 40 – ლა ლიგაში და როგორც უკვე მოგახსენეთ, “ოქროს ბუცის” გამარჯვებული გახდა.
“ელ პისტოლერომ” სოციალურ ქსელ X-ზე მის მიღწევასთან დაკავშირებით ვიდეო გამოაქვეყნა, რომელსაც აქვე წარმოგიდგენთ:
მარადონა და პელეც ხოარ გაცოცხლდეს😂
აუ ეს მოგვცა პრაიმში და ყ*ეზე ჩამოიცმევდა მინიმუმ 3 ოქროს ბურთს მომავალ წლებში.
ეს და მესი მოგვცა 24-25 წლის და მერე დაგვასკდეს რეალი მთაწმინდიდან გამოქანებული.
ნამდვილად უმაგრესი მიღწევაა, სადაც კი ითამაშა ყველგან ერთ-ერთი საუკეთესო იყო. გოლები, პასები და ზოგადად გასხვავებული მიდგომა ფეხბურთისადმი, განსხვავებული მანერები რომელსაც ალბათ ვერავინ გაიმეორებს და მაგიტომაც გამოსდიოდა ულამაზესი გოლები. ამ კაცს თავისი ეპოქის შექმნა შეეძლო ცალკე, უბრალოდ თავად ისეთ ეპოქაში მოხვდა სადაც თავის გამოჩენა მხოლოდ ორი კაცისთვის იყო მარტივი და იმათაც ორჯერ აჯობა თავის საქმეში. უდიდესი ლეგენდაა და კარგი იქნებოდა ბარსას მაისური კიდევ დიდხანს ეტარებინა
სადაც ითამაშა ყველგან ბომბარდირი გახდა, ამის წასვლის შემდეგ სულ დავკარგეთ გოლის გემო. რა იქნება ერთი ამისთანა, მესის ვერ ვბედავ ნამეტანი ფანტაზიორობა გამოვა , რო მოგვცა ლევანდოვსკი მეგონა გოლების მანქანა და აქ მოუნდა დაბერება, მანამდე ბაიერნში უბურთოდ არ ტოვებდა მინდორს, დღეს მაგის ადგილი ბაიერნში კეინმა დაიკავა და ისიც ბომბარდირია თუმცა აქ რო მოგვეყვანა ალბათ იმასაც დააჩლუნგებდნენ.