ისტორიული საღამო ჩემპიონთა ლიგაზე

2024 წლის 21 თებერვალი ჩემპიონთა ლიგის ისტორიაში გამორჩეული დღეა.

Squawka-ს ინფორმაციით, 16 წლისა და 223 დღის ლამინ იამალი ყველაზე ახალგაზრდა ფეხბურთელი გახდა, ვისაც ჩემპიონთა ლიგის ფლეიოფში უთამაშია, 40 წლისა და 360 დღის პეპე კი ყველაზე ასაკოვანი მინდვრის ფეხბურთელია, ვინც ამ ტურნირის ფლეიოფის მატჩი სასტარტოდან დაიწყო.

საინტერესოა, რომ ლამინ იამალი 2007 წელს დაიბადა, პეპეს კი ჩემპიონთა ლიგის ფლეიოფში დებიუტი 2005 წელს ჰქონდა. როცა პორტუგალიელი “რეალ მადრიდში” გადავიდა, ლამინი ჯერ დაბადებულიც არ იყო.

აღსანიშნავია, რომ “ბარსელონა” და “პორტუ” მიმდინარე სეზონში ჩემპიონთა ლიგის ჯგუფში ერთად იყვნენ, შესაბამისად, იამალმა და პეპემ ერთმანეთის წინააღმდეგაც ითამაშეს.