რატომ გამოიძახა ესპანეთმა ტრავმირებული იამალი ნაკრებში?

ლამილ იამალი “გრანადასთან” მატჩში ლა ლიგისა და “ბარსელონას” ყველაზე ახალგაზრდა გამტანი გახდა. სამწუხაროდ, ფეხბურთელმა მთლიანი მატჩის ჩატარება ვერ შეძლო, რადგან ის ჩავიმ 76-ე წუთზე შეცვალა. როგორც მთავარმა მწვრთნელმა, განაცხადა, იამალმა დისკომფორტი იგრძნო. დღეს უკვე “ბლაუგრანას” ოფიციალურმა გვერდმა დაადასტურა, რომ ახალგაზრდა ფეხბურთელს ბარძაყის მომხრელის და გარე როტატორი კუნთის დაზიანება აქვს. 

მიუხედავად ამისა, ლუის დე ლა ფუენტემ ის ნაკრებში მაინც გამოიძახა, იამალი კი გუნდს დილის ნაცვლად, საღამოს შეუერთდა. 

როგორც Mundo Deportivo წერს, ფეხბურთელს დამატებით სამედიცინო შემოწმებას ესპანეთის ფეხბურთის ფედერაციაც ჩაუტარებს.

ამ ამბიდან ყველაზე ლოგიკური გაგრძელება იქნება, თუ ფედერაცია მას ბარსელონაში დაბრუნების და ტრავმის მოშუშების საშუალებას მისცემს, მაგრამ ზემოხსენებული წყაროს თქმით, საქმე სულ სხვა რამაა.

ესპანეთის ნაკრებს ხუთშაბათს შოტლანდიის, ხოლო კვირას ნორვეგიის წინააღმდეგ ევრო 2024-ის საკვალიფიკაციო ეტაპზე უწევს თამაში. იმ შემთხვევაში, თუ იამალი ძირითადი გუნდის  რიგებში ითამაშებს, ეს მისთვის მე-3 მატჩი იქნება – აქამდე ის საქართველოს და კვიპროსის წინააღმდეგ ვიხილეთ. ესპანეთის ძირითად გუნდში ჩატარებული მე-3 თამაში ნიშნავს, რომ ფეხბურთელი ლეგალურ შესაძლებლობას კარგავს, რომ მაროკოს ნაკრებს შეუერთდეს – თუ ის მომდევნო 3 წელი ნაკრების გარეშე არ იქნება. 

ნორვეგიის წინააღმდეგ მოედანზე გატარებული მცირე დროც კი საკმარისი იქნება, იმის დასადასტურებლად, რომ ფეხბურთელი არჩეული ქვეყნის გადაწყვეტილებას ვეღარ შეცვლის.