სატრანსფერო ფანჯრის დახურვამდე, შესაძლოა, ბარსა ოთხმა ფეხბურთელმა დატოვოს
Sport-ის ინფორმაციით, ზამთრის სატრანსფერო ფანჯრის დახურვამდე, "ბარსელონა", შესაძლოა, კიდევ ოთხმა ფეხბურთელმა დატოვოს.
ამავე წყაროს ცნობით, კლუბისთვის პრიორიტეტი უსმან დემბელე გაშვებაა, ვინაიდან, თუ ის გუნდს მომდევნო 72 საათის განმავლობაში არ დატოვებს, კატალონიელები ტრანსფერების განხორციელებას ვეღარ შეძლებენ. თანაც, მისი ხელფასი ძალიან მაღალია, და, ყველაფერთან ერთად, თუ ფრანგი იანვარში არ წავა, "ბარსა" ზაფხულში მას უფასოდ დაკარგავს.
კატალონიური გამოცემის თანახმად, წასვლის კანდიდატები არიან ინიაკი პენია, ოსკარ მინგესა და რიკი პუჩიც. პენიას მთავარი მსურველი "გალათასარაია", რომელსაც "ბლაუგრანასთვის" კარგად ნაცნობი დომენეკ ტორენტი წვრთნის ("ბარსელონაში" პეპ გვარდიოლას ყოფილი ასისტენტი); მინგესას მიმართ ინტერესს კი ბოლო პერიოდში "ბორდო" და "ვალენსია" გამოხატეს.
აღსანიშნავია, რომ თურქეთში სატრანსფერო ფანჯარა 8 თებერვალს იხურება, რაც ინიაკის "გალათასარაიში" გადაბარგების შანსებს ზრდის.
ამ სიახლეზე კომენტარები გათიშულია.
კომენტარები [ 3 ]