ბარსელონა და ატლეტიკო პარანაენსე ვიტორ როკეს ტრანსფერზე შეთანხმდნენ

Mundo Deportivo-ს ცნობით, “ბარსელონა” და “ატლეტიკო პარანაენსე” ვიტორ როკეს ტრანსფერზე შეთანხმდნენ. 

კატალონიური კლუბი ბრაზილიელი ტალანტის სანაცვლოდ €35+€10 მილიონს სამ ნაწილად გადაიხდის. დიდი ალბათობით, მხარეები ტრანსფერს მომავალ ხუთშაბათს ან პარასკევს დახურავენ, რადგან ოთხშაბათს “პარანაენსეს” მატჩი აქვს.

როკე “ბარსასთან” ხუთწლიან კონტრაქტს გააფორმებს, მისი გამოსასყიდი თანხა კი €1 მილიარდი იქნება. 18 წლის ფეხბურთელი “ბლაუგრანას” ამ ზაფხულში შემოუერთდება – კლუბი ბრაზილიელს მაშინ დაარეგისტრირებს, როცა FFP-სთან დაკავშირებულ პრობლემებს გადაჭრის.

აღნიშნულ ინფორმაციას ფაბრიციო რომანოც ადასტურებს და დასძენს, რომ “ბარსელონას” ვიტორის დამატება ახლავე სურს. ტრანსფერში როკეს როლი გადამწყვეტი იყო – ბრაზილიელს მხოლოდ “ბარსა” სურდა და 3 ევროპული გრანდის ინტერესის მიუხედავად, გადაწყვიტა, “ლურჯ-ბროწეულისფერებს” დალოდებოდა, თანაც იმის ფონზე, რომ კლუბი გარანტიებს ვერ იძლეოდა.

ვიტორის მოყვანაზე დეკუ მუშაობს, რადგან ფიქრობს, რომ ის ტოპ ფეხბურთელია.