ოფიციალურად: TP Vision ბარსელონას ახალი სპონსორია

“ბარსელონას” ახალი სპონსორი ჰყავს – კატალონიურმა კლუბმა ნიდერლანდურ კომპანია TP Vision-თან გააფორმა ხელშეკრულება. 

შეთანხმების მიხედვით, “ბლაუგრანას” მაისურის სახელოზე დატანილი იქნება Philips-ის მიერ წარმოებული ტელევიზორების Ambilight TV-ის სახელი.

TP Vision არის კომპანია, რომელიც Philips-ის პროდუქციის დიზაინზე, წარმოებასა და გაყიდვაზეა პასუხისმგებელი. TP Vision “ბარსას” მთავარი ტექნიკური პარტნიორი ხდება, რაც იმას ნიშნავს, რომ კომპანია კლუბს მონიტორებითა და სხვა აუდიოვიზუალური მოწყობილობებით უზრუნველყოფს.

TP Vision-თან თანამშრომლობა “ბარსელონას” დელეგატ წევრთა გენერალურ ასამბლეაზე უნდა დამტკიცდეს.