როგორ მიმდინარეობს ბუსკეტსისა და დემბელეს რეაბილიტაციის პროცესი?

AS-ის ინფორმაციით, სერხიო ბუსკეტსი გუნდთან ერთად ვარჯიშს დღეს დაუბრუნდება.

წყაროს ცნობით, თუ ყველაფერი გეგმის მიხედვით წავა, კაპიტანი ექიმებისგან თამაშის ნებართვას შაბათს მიიღებს და კვირას “კადისთან” სათამაშოდ მზად იქნება.

ბუსკეტსმა ტრავმა “სევილიასთან” მატჩში (3-0) მიიღო, რის გამოც “ვილიარეალთან” და “მანჩესტერ იუნაიტედთან” ვერ ითამაშა.

რაც შეეხება უსმან დემბელეს – SER-ის თანახმად, ფრანგმა მინდორზე ვარჯიში დაიწყო, მაგრამ არა გუნდთან ერთად. კატალონიურ კლუბს გარისკვა არ სურს – ის “იუნაიტედთან” მატჩისთვის მზად არ იქნება.