ბარსელონას ახალგაზრდების წარმატება ნაკრებში

ცოტა ხნის წინ ესპანეთის 17-წლამდელთა ნაკრებმა ალგარვის ტურნირი მოიგო.

აღსანიშნავია, რომ “ბარსას” ტალანტმა ლამინე იამალმა 3 გოლი გაიტანა (2 ნიდერლანდებთან, 1 კი პორტუგალიასთან) და გათამაშების საუკეთესო ბომბარდირი გახდა, მარკ გუიუმ კი ერთი ბურთი შეაგდო (ნიდერლანდებთან).

“ფურია როხამ” ნიდერლანდებს 3-0, პორტუგალია კი 1-0 მოუგო, ხოლო გერმანიასთან 1-1 ითამაშა.

ტურნირი, რომელშიც სულ 4 გუნდი მონაწილეობდა, 10 თებერვლიდან 14 თებერვლამდე მიმდინარეობდა.

გთავაზობთ სხვა მატჩების შედეგებს:

პორტუგალია 2-1 გერმანია

პორტუგალია 2-1 ნიდერლანდები

ნიდერლანდები 2-1 გერმანია

ესპანეთის ნაკრებმა ეს ტურნირი მესამედ მოიგო. “ფურია როხამ” აქამდე გამარჯვება 2019/20 და 2021/22 წლების სეზონში შეძლო.

გამარჯვებულთა რიგებში “ბარსას” მხრიდან ასევე პაუ პრიმი (რომელიც გუნდს კაპიტნობდა), ექტორ ფორტი და პაუ კუბარსი ასპარეზობდნენ.