ბარსელონელების დღევანდელი განრიგი მსოფლიო ჩემპიონატზე [1 დეკემბერი]

მსოფლიო ჩემპიონატზე 10 მერვედფინალისტი და 4 მერვედფინალური წყვილი უკვე ცნობილია. დღეს ჯგუფიდან გამსვლელ კიდევ 4 გუნდს და ორ წყვილს გავიგებთ.

დღევანდელი 4 თამაშიდან სამში ბარსელონელი თამაშობს.

19:00 საათზე აბდე ეზალზულის მაროკო კანადას დაუპირისპირდება. მაროკო არწაგების შემთხვევაში 1/8-ფინალში აუცილებლად გავა. წაგების შემთხვევაშიც გავა, თუ ხორვატია ბელგიას დაამარცხებს, ან პარალელური მატჩი ფრედ დასრულდება და მაროკოს ბელგიაზე უკეთესი ბურთების სხვაობა ექნება, ან პარალელურ მატჩში ბელგია მოიგებს და მაროკოს ხორვატიაზე უკეთესი ბურთების სხვაობა ექნება.

23:00 საათზე ერიკ გარსიას, ჟორდი ალბას, ალეხანდრო ბალდეს, სერხიო ბუსკეტსის, გავის, პედრის, ანსუ ფატისა და ფერან ტორესის ესპანეთი იაპონიას შეხვდება. ესპანეთი არწაგების შემთხვევაში ჯგუფიდან გავა, მოგების შემთხვევაში კი პირველ ადგილს გაინაღდებს. ესპანელები 1/8-ფინალში ითამაშებენ წაგების შემთხვევაშიც, თუ ჯგუფის მეორე შეხვედრა ფრედ დასრულდება.

იმავე დროს ჯგუფის მეორე შეხვედრაში მარკ-ანდრე ტერ შტეგენის გერმანია კოსტა რიკას დაუპირისპირდება. გერმანიას აუცილებლად მოგება ჭირდება, მაგრამ თუ პარალელურ შეხვედრაში ესპანეთი ვერ მოიგებს, გერმანელებს ბურთების უკეთესი სხვაობის იმედი უნდა ჰქონდეთ.