კლაუდიო ბრავო: სანამ მესი დაარტყამდა, გოლს უკვე აღვნიშნავდი

“ბარსაში” გადასვლა შესანიშნავი იყო. ჩემი პრეზენტაციის დროს თავში უამრავი რამ მიტრიალებდა. ყველაფერს, რაც აქ მოსახვედრად გავიღე, “კამპ ნოუზე”, თითქმის 100 000 ქომაგის თვალწინ თამაშისას, ყოველ წამს ვხედავდი.

ამ სტადიონზე გასვლისას ყოველთვის ვფიქრობდი, თუ რამდენად რთული იყო “ბარსას” მაისურის მორგება. როცა ავტობუსით ვმგზავრობდი, რამდენ ხანს ვიცდიდი, სირთულეები… და ჩემს თავს ვეუბნებოდი, რომ ახლა მხოლოდ სიამოვნების მიღების დრო იყო.

როცა “ბარსელონაში” ვთამაშობდი, მსოფლიოს საუკეთესო ფეხბურთელი – ლეო მესი – ჩვენს გუნდში იყო. სანამ ის დაარტყამდა, გოლს უკვე აღვნიშნავდი (იცინის).

მესისნაირ ფეხბურთელებს ისე ვუყურებთ, თითქოს ისინი უცხოპლანეტელები არიან, მაგრამ ლეოთი გაოცებული ვიყავი – სიმარტივე და ადამიანობა, რომელიც მას ახასიათებს… ის ნორმალური ადამიანია. არგენტინელთან კონტაქტი ძალიან მარტივია.

დიდ გუნდებში თავს შესანიშნავი ხალხი იყრის. მესი, ჩავი, ინიესტა… ფეხბურთელები, რომლებმაც ბევრი რამ მოიგეს და თავმდაბლები არიან – ასეთ რაღაცებს ხშირად ვერ ვხედავთ.

ნეიმარი? ის, გრიზმანის მსგავსად, ბავშვივითაა. ნეი ბედნიერებას აფრქვევს და ბევრს ხუმრობს. გასახდელ ოთახში, ხუმრობა და სერიოზულობა უნდა დააბალანსო. ნეიმარი ბედნიერი ბიჭია.

ბევრ ადამიანს დანი ალვესზე არასწორი წარმოდგენა აქვს. დანი ძალიან პასუხისმგებლიანი და პროფესიონალია. ის პორველი იყო, ვინც ვარჯიშზე მოდიოდა და ბოლო, ვინც მიდიოდა – ყოველ დღე სავარჯიშო დარბაზში მუშაობდა… მაგრამ, ხალხი მასზე არასწორად ფიქრობს. 

“ბარსელონაში” ყოფნისას ლა ლიგის საუკეთესო მეკარედ მაღიარეს და სამორას პრიზი მოვიგე – ამის გამო მადლიერი ვარ.