ფერან ტორესი რეალთან ითამაშებს, პიკე საეჭვოა

AS-ის ინფორმაციით, ფერან ტორესმა ჯგუფთან ერთად ვარჯიში უკვე დაიწყო და ყველაფერი იმაზე მიუთითებს, რომ ის “ელ კლასიკოში” ითამაშებს.

რაც შეეხება პიკეს – ვეტერანი მცველის რეაბილიტაციის პროცესი მოსალოდნელზე ნელა მიმდინარეობს და, დიდი ალბათობით, ის “რეალის” წინააღმდეგ გასამართ მატჩს გამოტოვებს.

სამაგიეროდ, 24 ივლისს “ბარსას” მაისურით რობერტ ლევანდოვსკის დებიუტს ვიხილავთ.

ჟერარმა ბოლოს 1 მაისს ითამაშა, ფერან ტორესმა ტრავმა სეზონის პირველივე სავარჯიშო სესიაზე მიიღო, ლევანდოვსკი კი “ინტერ მაიამისთან” მოედანზე არ გასულა, მაგრამ “რეალთან” მის დებიუტს ველით.