ახლახან “ბარსელონამ” 18 წლის სალმა პარალიუელოს ტრანსფერი დაადასტურა.
ახალგაზრდა ფეხბურთელი, რომელიც ამავდროულად სპრინტერიც იყო, “ბარსასთან” კონტრაქტს 2026 წლამდე გააფორმებს და გოგონების გუნდს შეუერთდება.
პარალიუელო “სარაგოსას” აღზრდილია, 2019 წლიდან კი “ვილიარეალის” წევრი იყო. ახალგაზრდა გარემარბი ესპანეთის 19-წლამდელთა ნაკრებშიც თამაშობს.
სალმა “ბარსელონას” ქალთა გუნდის მე-4 შენაძენია. მის გარდა, მიმდინარე სატრანსფერო ფანჯარაზე კლუბმა ნურია რაბანო, ლუსი ბრონზი და ჟეიზე ფერეირა დაიმატა.
მძლეოსნობაზე უარის თქმა რთული იყო, მაგრამ გადაწყვეტილება უნდა მიმეღო. ამაზე უკეთესი ადგილი არ არსებობს – “ბარსელონა” მსოფლიოში საუკეთესო კლუბია.
აქ ყოფნა პრივილეგიაა. მუშაობის დაწყებას მოუთმენლად ველი. შევეცდები, საუკეთესოებისგან ვისწავლო.
– განუცხადა პარალიუელომ Barça TV-ს.
Una nova culer! 💙❤️ pic.twitter.com/vBclToJS4l
— FC Barcelona Femení (@FCBfemeni) July 11, 2022
დროული იყო ამის მოყვანა.