ერთი დღე "ბარსას" ისტორიაში - 1 ივლისი

წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 1 ივლისს მოხდა.

თამაშები

1 ივლისს "ბარსელონას" ოფიციალური თამაში არ ჩაუტარებია.

1916 წელი

ისტორიაში პირველად "ბარსელონას" ოფიციალური დოკუმენტი კატალონიურ ენაზე შესრულდა. საუბარი კლუბის წესდებაზეა.

1924 წელი

დაიბადა "ბარსელონას" ყოფილი მეკარე ანტონი რამალიეტსი. 1948-1961 წლებში მან "ბლაუგრანას" მაისურით 386 თამაში ჩაატარა. რამალიეტსმა კატალონიურ გუნდთან ერთად 6 ესპანეთის ჩემპიონატი, 5 ესპანეთის თასი, 3 ევა დუარტეს თასი (ესპანეთის სუპერ თასი) და 2 ბაზრობათა თასი (ამჟამინდელი ევროპა ლიგა) მოიგო.

1928 წელი

"ლეს კორტსზე" რამონ ტორალბას გამოსამშვიდობებელი მატჩი გაიმართა, რომელშიც "ბარსელონამ" მონტევიდეოს "ნასიონალი" 3-0 დაამარცხა.

1976 წელი

დაიბადა "ბარსელონას" ყოფილი თავდამსხმელი პატრიკ კლუივერტი. 1998-2004 წლებში მან "ბლაუგრანას" მაისურით 263 თამაში ჩაატარა და 123 გოლი გაიტანა. კლუივერტმა კატალონიურ გუნდში 1 ესპანეთის ჩემპიონატი მოიგო.