ანდრეას კრისტენსენის პრესკონფერენცია: ახლა უკვე შემიძლია, დავამტკიცო, რომ ოცნებები ხდება

მოგესალმებით, ანდრეას. ჩვენთვის განსაკუთრებული დღეა. მადლობა შენი ძალისხმევისთვის, რომელიც აქ მოსასვლელად გაიღე.

ერთ ისტორიას მოვყვები, რომელიც ძალიან მომწონს: როცა ანდრეასი 8 წლის იყო, ქაღალდზე დაწერა, რომ მისი ოცნება “ბარსაში” თამაში იყო. სწორედ ასეთი ფეხბურთელები გვსურს. 

კრისტენსენს ჩვენთან გადმოსვლა ძალიან სურდა, რაც დაგვეხმარა და მადლობა ამისათვის. წარმატებებს გისურვებ. 

მინდა, ყველას მადლობა გადავუხადო: მატეუს, ჟორდისა და ანდრეასის აგენტს… ეს ტრანსფერი მათმა ძლიერმა სურვილმა განაპირობა. ამით კმაყოფილნი ვართ.

სანამ მეორე ბერკეტს არ გავააქტიურებთ, მეტ ტრანსფერს ვეღარ განვახორციელებთ. შეიძლება, გამონაკლისები იყოს. როგორც კი ბეკრეტი გააქტიურდება, ყველა ოპერაციას დავასრულებთ – ზოგ მათგანს მხოლოდ გაოფიციალურება სჭირდება. 

პიკე შესანიშნავი სეზონის ჩატარებას აპირებს. ის ძალიან მოტივირებულია. მწვრთნელი გადაწყვეტს, ჟერარმა რა უნდა ქნას.

ლევანდოვსკის თაობაზე “ბაიერნს” კიდევ ერთი შეთავაზებით მივმართეთ. წესით, ახლა ისინი ამ წინადადებას უნდა განიხილავდნენ. რობერტის ძალისხმევას ვაფასებთ.

“ბაიერნი” ამბობს, რომ მალე აღარ ვიარსებებთ? ამ განცხადების არ მჯერა. არ მგონია, რომ გერმანელებს ეს მართლა ეთქვათ. 120-წლიანი ისტორია გვაქვს. მიუნხენელებს პატივს ვცემთ.

ვმუშაობთ, რომ გუნდი უფრო კონკურენტუნარიანი გავხადოთ. ვიცით, რომ სხვა კლუბებს ეს არ სურთ, მაგრამ ყველაფერი მალე გამოსწორდება და პასუხს ყველას გავცემთ.

უპირატესობას ის გვაძლევს, რომ “ბარსელონაში” თამაში ყველას სურს – ალბათ, გარდა ჩვენი პირდაპირი მეტოქეების მოთამაშეებისა. ჩვენი ისტორიით ვარსკვლავებისთვის მიმზიდველი კლუბი ვართ.

ჩავი ახალი სეზონის დაწყებით აღფრთოვანებულია. ერთმანეთს ჩავეხუტეთ და გეგმების განხორციელებას ველით.

როგორც პრეზიდენტმა თქვა, ამ დღეზე ბავშვობიდან ვოცნებობდი. ძალიან ამაყი ვარ. ჟოანს, მატეუსა და ჟორდის ამ შესაძლებლობისთვის მადლობას ვუხდი.

გუნდთან ერთად მუშაობას დაწყებას მოუთმენლად ველი. მსურს, სტადიონზე ფანებს რაც შეიძლება მალე შევხვდე. ჩვენ ერთი მიზანი გვამოძრავებს.

8 წლის ასაკში მართლაც დავწერე, რომ მსურდა, პროფესიონალი ფეხბურთელი გავმხდარიყავი და “ბარსელონასთვის” მეთამაშა. ამ დღით ძალიან ვამაყობ.

ჩავის ჩემთვის განსაკუთრებული არაფერი უკითხავს. ვიფიქრობ, გუნდის სტილს კარგად მოვერგები – აქ სწორედ ამიტომ ვარ. თუმცა, პროგრესი ჯერ კიდევ მმართებს.

რატომ მაქვს კლუბის მიმართ ასეთი გრძნობები? ექსტროვერტი არ ვარ – მშვიდად ყოფნა და თავშეკავება მირჩევნია. აქ ამან მომიყვანა. “ბლაუგრანას” ფილოსოფია მომწონს. 

ასპილიკუეტა და ალონსო? მათ მხოლოდ ის ვუთხარი, რომ “ბარსაში” მივდიოდი. ორივე ჩემი მეგობარია.

პიკე ლეგენდაა. როგორც ყველა ფებურთელს, თამაში მინდა. გუნდში კონკურენციაა, რაც კარგია, რადგან ეს მეტი მუშაობისკენ მიბიძგებს. კლუბის ყველა მცველი შესანიშნავია.

ახალ თანაგუნდელებთან შეხვედრა ძალიან მსურს.

“ჩელსიში” ბოლო რამდენიმე კვირა ჩემთვის ურთულესი იყო, მაგრამ ვამაყობ, რომ მათი ისტორიის ნაწილი ვარ.

პროგრესს გავაგრძელებ. აქ ყველას ერთი მიზანი გვაქვს – მოგება. ვიფიქრობ, გუნდს ამის პოტენციალი აქვს.

რონალდინიოსა და დეკუს ყურებაში გავიზარდე. 

ბრეითუეიტს ვესაუბრე, ისევე, როგორც სხვა მოთამაშეებს, რომლებიც კლუბსა და ესპანურ კულტურას იცნობენ, მაგალითად, ასპილიკუეტასა და ალონსოს. ისინი აქაურ ცხოვრებაზე მელაპარაკებოდნენ.

არც ყველაზე დიდი ვარ და არც ყველაზე ძლიერი, ამიტომაც, “ბარსაში” სათამაშოდ ტვინი უნდა გამოვიყენო. მითხრეს, რომ ეს დამეხმარება.

ახლა უკვე შემიძლია, დავამტკიცო, რომ ოცნებები ხდება.

ლანგლეს წასვლას მალე დავადასტურებთ.

ასპილიკუეტა და ალონსო? “ჩელსიში” მმართველობის შეცვლამ ყველაფერი შეანელა. ყველამ იცის, რომ გარკვეული პოზიციების გაძლიერება გვსურს. ზოგი ფეხბურთელი უფრო ხელმისაწვდომია, ზოგი – ნაკლებად. 

ჩვენ “ბარსას” DNA-სა და კრუიფიზმზე ვსაუბრობთ, მაგრამ ბალანსიც აუცილებელია. განსაკუთრებულ პროფილებს ამიტომაც ვეძებთ.

პრემიერ ლიგის ბაზარზე ვმუშაობთ, რადგან იქაური ფეხბურთელები ადაპტაციას სწრაფად გადიან.

გვჯერა, რომ კრისტენსენს პირველივე წუთებიდან თამაში შეუძლია.