ანსუ ფატი – გოლების გარანტია სათადარიგოთა სკამიდან

2021/22 წლების სეზონში ანსუ ფატიმ მოედანზე ცვლილებაზე გამოსვლის შემდეგ თავი 4 გოლით გამოიჩინა.

“ბარსელონას” ათიანს A League Stars-ის წინააღმდეგ გამართულ შეხვედრაში გოლის გასატანად მხოლოდ 4 წუთი დასჭირდა. ეს პირველი შემთხვევა არაა, როცა 19 წლის ფეხბურთელი მოედანზე შეცვლაზე გამოვიდა და მაშინვე შეაგდო.

კამპ ნოუდან ავსტრალიამდე

აწ უკვე გასული სეზონი ახალგაზრდა ფეხბურთელისთვის ტრავმებით დახუნძლული გამოდგა. 323-დღიანი უქმობის შემდეგ, ის მოედანზე “ლევანტესთან” 3-0 მოგებული შეხვედრის 70-ე წუთზე გამოჩნდა და საჯარიმოს გარედან ულამაზესი გოლი გაიტანა.

რიადი და სევილია

3.5 თვის შემდეგ ანსუ ლაზარეთიდან კიდევ ერთხელ დაბრუნდა და სუპერ თასზე “რეალის” წინააღმდეგ ითამაშა. ის მოედანზე 63-ე წუთზე გამოვიდა და 20 წუთში ანგარიში გაათანაბრა.

კიდევ ერთი დაზიანებისა და 115 დღის გამოტოვების შემდეგ, ფატი “ბეტისთან” მოედანზე 75-ე წუთზე გამოჩნდა და რამდენიმე წამში კვლავ გაიტანა. 

მაგრამ, ეს არ იყო ბოლო შემთხვევა, როცა ახალგაზრდა შემტევმა ცვლილებაზე გამოსვლის შემდეგ თავი გამოიჩინა – ავსტრალიაში გამართულ ამხანაგურ მატჩში ანსუმანე მწვანე მინდორზე მეორე ტაიმში გამოჩნდა და A League Stars-ს გამარჯვების გოლი გაუტანა.

Ansuuuuuuu!!!!! 🇦🇺 pic.twitter.com/bX34u17diu

— FC Barcelona (@FCBarcelona) May 25, 2022

მნიშვნელობა არ აქვს, თამაში სად ტარდება – თუ ფატი მოედანზე გამოდის, ყოველთვის გააქვს.