ინტერვიუ ჟოან ლაპორტასთან პრეზიდენტობის ერთი წლის თავზე

ამ წლის განმავლობაშიც ბევრი რამ გაკეთდა. ისეთი განცდა მაქვს, რომ ეს 12 თვე ჩემს ცხოვრებაში ერთ-ერთი ყველაზე მჭიდრო იყო. მაგრამ ყველაფერია ასე სწრაფად არ მომხდარა. ის ძალიან ინტენსიურად და სტრესულად გავატარე. ეს იყო შფოთვითა და იმის სურვილით სავსე წელიწადი, რომ ყველაფერი კარგად წავიდეს.

დიახ. ძალიან განსხვავებული, რადგან როდესაც რაღაცის კეთების გამოცდილება გაქვს, უფრო მომთხოვნი ხდები და გინდა, ყველაფერი, რაც შეიძლება, მალე შესრულდეს. ყველაფერს თავისი მომწიფების დრო აქვს.

ის, რაც ჩავიმ გააკეთა – შეცვალა გუნდისა და ფეხბურთელების მენტალიტეტი საფეხბურთო დონეზე ჩვენი იდენტობა დააბრუნა. ჩვენ იმასაც მივაღწიეთ, რომ კატალონიელებს იმედი კვლავ ჩავუსახეთ.

ჩვენ მეტის მიღწევა გვსურს. გამარჯვება დიდებულია, აქ იმისთვის ვართ, რომ გუნდმა მოგება გააგრძელოს და გულშემატკივრებს სიხარული დაუბრუნდეთ, მაგრამ ჩვენ მეტი გვსურს. 

კალათბურთის გუნდი იმ ტიტულებს დაესაკუთრა, რომლებიც გვსურდა, მაგრამ მაინც მეტს ვითხოვთ. ხელბურთში ყველაფერი მოვიგეთ. ასევე შესანიშნავად იასპარეზა გოგონების გუნდმა – მათ მხოლოდ იმას მოვთხოვთ, რომ ასეთი წარმატებით თამაში გააგრძელონ.

მამაკაცთა საფეხბურთო გუნდისგან მეტი გვინდა. ესპანეთის თასის მოგება შესანიშნავი იყო – რთულ სეზონში, რომელიც არც თუ ისე კარგი გამოდგა, მნიშვნელოვანი ტიტულის მოგება მოვახერხეთ. 

ფუტსალში პროგრესი გვაქვს – გასული სეზონი კარგი არ გამოდგა. იგივე ითქმის ჰოკეიზეც. 

მე მხიბლავს ის მენტალიტეტი, რომელიც ჩავიმ ფეხბურთელებს მისცა. ეს იმედს აღგვავსებს, რადგან ვხედავთ, რომ გუნდს მომავალი აქვს და უახლოეს მომავალში ევროპა ლიგის მოგებაც შეგვიძლია. ეს რთულია, მაგრამ ვიბრძვით.

ჩვენ მოედანზეც და ოფისებშიც დამტკიცებული გამოცდილებისა და ნიჭის მქონე ხალხის ყოლა გვინდოდა. მატეუ ალემანი ჭკვიანია და მოლაპარაკების კარგი უნარი აქვს. ჟორდი კრუიფს ტექნიკური მდივნის პროფილი აქვს – ის უფრო ფეხბურთზეა ორიენტირებული. ამ ორისა და ჩავის კომბინაცია ერთ-ერთი ყველაზე დადებითი რამაა, რაც კმაყოფილებით აღმავსებს, რადგან მათ რეგულაციებისა და მცირე რესურსების პირობებში დიდებული ოპერაციების ჩატარება მოახერხეს, რაც ჩავის ცვლილებებში დაეხმარა.

დიახ, და ეს ადვილი არ ყოფილა, რადგან გუნდში ბევრი თანამშრომელი იყო, ისინი კი კრიტერიუმებსა და რაციონალურობას ერგებიან. ისინი ამცირებენ სახელფასო ხარჯებს, რაც მნიშვნელოვანია და ზუსტად იმ დონეს მიაღწიეს, რაც გვსურდა. თქვენი მუშაობით ძალიან კმაყოფილი ვარ.

ეს ყველაზე სევდიანი გადაწყვეტილებაა. მის მიღებას არასდროს ვისურვებდი, თუმცა არც ვწუხვარ. ჩვენ კლუბი ყველაზე, თუნდაც საუკეთესო ფეხბურთელზე, მაღლა უნდა დაგვეყენებინა და ასეც მოვიქეცით. სიტუაცია ისეთი იყო, როგორიც იყო. ჩვენ რეალობას შევეჯახეთ. ჩანდა, რომ შემდეგ აღარაფერი იქნებოდა, მაგრამ “ბარსას” ისტორია გრძელდება და შრომისმოყვარეობისა და კარგად გათვლილი გადაწყვეტილებების წყალობით, წარმატების გზაზე დაბრუნება შევძელით.

სეზონის დასრულების შემდეგ ეჭვები უკვე მქონდა და ეს მწვრთნელს ვაცნობე. მას დარჩენა სურდა, ჩვენ კი სპეციფიკურ სპორტულ და ეკონომიკურ სიტუაციაში ვიყავი, ამიტომ, მისი ფიგურის პატივისცემის გამო, რონალდს შანსი მივეცით. მაგრამ დრო იმას განახებს, რასაც მანამდე ვერ ამჩნევდი… ჩვენ ვცადეთ, მაგრამ საქმეები კარგად არ მიდიოდა და მორიგი რთული გადაწყვეტილება უნდა მიგვეღო. მე ადამიანებს პატივს ვცემ, მაგრამ პრიორიტეტს კლუბის ინტერესებს ვანიჭებ.

1992 წელს “უემბლიზე” ვიყავი (ჩემპიონთა თასის ფინალი, რომელიც “ბარსამ” “სამპდორიას” მოუგო) და 111′ წუთზე კუმანის მიერ გატანილ გოლი არასდროს დამავიწყდება. მას შეუძლია, ის თქვას, რაც სურს და მე ამას პატივს ვცემ, მაგრამ მე ის ყოველთვის მემახსოვრება “უემბლიზე” გატანილი გოლის ავტორად და მწვრთნელად, რომელსაც პირველ გუნდში ახალგაზრდების დაწინაურების გამბედაობა ეყო. კუმანს განცხადებების გაკეთება გარემოებებმა აიძულეს, თუმცა ამას სიმამაცე სჭირდება. თუ მას გული ეტკინა, ვიმედოვნებ, რომ გადაუვლის.

მე დარწმუნებული ვიყავი, რომ ჩავი “ბარსელონას” მწვრთნელი გახდებოდა. ის არის მწვრთნელი, რომელსაც კლუბი უყვარს და გადაწყვეტილებებს პატივს სცემს. ჩავი ფეხბურთითაა შეპყრობილი, რისი წყალობითაც ყველაფერს განიცდის, რაც “ბარსას” ეხება. ის გუნდში დიდხანს დარჩება და ბევრ სიხარულს მოგვანიჭებს.

მთავარი დამსახურება მენტალიტეტის შეცვლაა. ჩვენ უკეთ ვთამაშობთ, მეტ შანსს ვქმნით და მეტ გოლს ვიტანთ. ჩავი იმ სისტემით თამაშობს, რამაც მსოფლიო ფეხბურთში გაგვითქვა სახელი. ჩვენ უმაღლეს დონეზე არ ვიმყოფებით, მაგრამ მის ამაღლებაზე ვმუშაობთ. ამასთან, გვინდა, რომ თამაშის ყურებით სიამოვნება მივიღოთ.

დიახ, ისინი არიან მოთამაშეები, რომელთაც აწმყო და მომავალი გააჩნიათ. ამბიცია ისეთი გუნდის შექმნაა, რომელიც დიდხანს იარსებებს, კარგად ითამაშებს და ბევრ ტიტულს მოიგებს. 

ამ შემთხვევაში, ფეხბურთელმა ბევრი რამ უნდა დაამტკიცოს. მე მადლიერი ვარ იმ მოთამაშეების, რომლებმაც კონტრაქტები გაახანგრძლივეს, რადგან გასათვალისწინებელი სპორტული და ეკონომიკური საკითხებია. თუ ფეხბურთელს დარჩენა სურს, ის დარჩება. მან იცის, რომ კარგი კარიერა ექნება და სათანადო კონტრაქტითაც დააფასებენ. ვიმედოვნებ, შეთანხმებებს მივაღწევთ, მაგრამ ყველაზე წინ “ბარსა” დგას.

ზამთრის სატრანსფერო ფანჯარაზე გაწეული სამუშაო ძალიან კარგი იყო. ფერანი მაღალი დონისაა, ის კარგი ბიჭია. ადამა სახლში ბრუნდება, ის განსხვავებული მოთამაშეა – ძლიერი და სწრაფია და ჩვენს სისტემას კარგად იცნობს. ობამეიანგი შესანიშნავია, მას თავისი მიზანი აქვს. ხოლო ალვესის ყოლა… კაცი რომელიც გუნდს, გასახდელს კრავს… ვიმედოვნებ, ის ყატარის მსოფლიო ჩემპიონატზე ითამაშებს. დანი თავისი ტექნიკით ძალიან გვეხმარება. მისით კმაყოფილები ვართ.

მათი დარჩენის ვარიანტი არსებობს. ალვესის შემთხვევაში ყველაფერი გაცილებით მარტივია, ადამას შენარჩუნებაც განხორციელებადია, თუმცა არსებობს ეკონომიკური კუთხე. შევხედავთ, რისი გაკეთება შეგვიძლია. სიტუაციის შესაცვლელად სამი ბერკეტი არსებობს.

დიახ, რადგან ჩვენ ის არ გვაქვს. ვიმედოვნებ, გამარჯვებას მოვახერხებთ, თუმცა ტურნირზე ბევრი ძლიერი გუნდია. “გალათასარაისთან” თამაში მარტივი არ იქნება. 

ვერაფერს ვიტყვი, რადგან ფასი მუდმივად იმატებს. ჩვენ ყველა ხაზის გაძლიერებას ვგეგმავთ. ეს იმაზე იქნება დამოკიდებული, თუ რა გადაწყვეტილებებს მივიღებთ უახლოეს თვეებში. მიმაჩნია, რომ მათი მიღება სავალდებულოა, რათა ეკონომიკური საკითხებში დასახულ მიზნებს მივაღწიოთ.

შაბლონი დაბალანსებული უნდა იყოს. თუ მოთამაშეებს დავიმატებთ, ზოგს წასვლაც მოუწევს. თუმცა ახლანდელი შემადგენლობით კმაყოფილები ვართ, ძალიან კონკურენტუნარიანი გუნდია.

ჩვენ მას მოუთმენლად ველით. ორივე გუნდი კარგად გამოიყურება და თუ მოგებებს გავაგრძელებთ, შანსი გვექნება. ყველაფერი ჩვენზეა დამოკიდებული – თუ ლა ლიგის მოგება გვსურს, “ბერნაბეუზე” უნდა გავიმარჯვოთ.

ეკონომიკური მდგომარეობა უმჯობესდება. ის სპორტულ ნაწილთან შედარებით, ნელა იზრდება, თუმცა ახლა უკეთესი სიტუაციაა. ფინანსური ინსტიტუტები გვენდობიან. სესხები ავიღეთ, მაგრამ მეტი შემოსავალი გვჭირდება. ამასთან, ვალი უნდა შევამციროთ, რაზეც ვმუშაობთ. ვმუშაობთ ასევე CVC-ისა და მსგავს პროექტებზე. 

დიახ, რადგან დიდი ძალისხმევა გავიღეთ. მაგრამ პირველ რიგში, შემოსავალზე უნდა ვიფიქროთ და ის მაქსიმალურად გავზარდოთ.

პროცესი სწორ გზაზეა, თუმცა ჯერ ხელმოწერილი არაა. უნდა მოვიცადოთ. ოპტიმისტურად ვართ განწყობილი, თუმცა არაფერი დასრულებულა.

სტადიონი, პირველი გუნდი, სავარჯიშო მაისურები…

დიახ. “ბარსას” დაკავშირება მუსიკასთან სასიამოვნო იქნება.

ამჟამად სამართლებრივი ქმედებები ხორციელდება, რათა ტურნირი სიცოცხლისუნარიანი და კანონიერი იყოს. სასამართლო გადაწყვეტილება არ მიღებულა, თუმცა მისთვის მზად უნდა ვიყოთ. ჩვენ სახელმწიფო კლუბების წინააღმდეგ ვიბრძვით, რადგან ისინი რეგულაციებს არ ემორჩილებიან. ევროპაში სამართლიანი თამაშის წესებს არ იცავენ და ჩვენ ამის წინააღმდეგნი ვართ. 

სუპერ ლიგა გთავაზობთ კონტროლის სტანდარტებს, რომელიც ყველამ უნდა დაიცვას. ამ საქმეში უეფა მტკიცე არ ყოფილა. გვინდა, ამ სიტუაციას ვებრძოლოთ და უეფას მენტალიტეტი შევცვალოთ. ჩვენ თანაბარი კონკურენციის პირობებში თამაში გვსურს.

ის სახლიდან შორს იყო და ოჯახთან ერთად ყოფნა არჩია. ეს “ბარსაა”. ზოგი დიდხანს ძლებს, ზოგი -.ნაკლებს. მე კარგი მოგონებები მაქვს.

არა. ჩვენი სურვილი დასახული მიზნების მიღწევაა. 

არა, “ბარსა” წევრებს ეკუთვნის და ეს უნდა გაგრძელდეს. ეს მოდელი ჩვენი ინტერესებიდან გამომდინარე უნდა შევინარჩუნოთ. “ბარსა” მხარდამჭერებს უნდა ეკუთვნოდეს. “ბარსელონა” არ გაიყიდება. სხვა მოდელი იქ არ მოგვიყვანდა, სადაც ვართ, სახელმწიფო კლუბები ყოველთვის გვაჯობებდნენ.  

Espai Barca-ს პროექტის მტკიცედ გვჯერა. ჩვენ ბევრი კარგი იდეა გვაქვს, რომ შემოსავლის გამომუშავება გავაგრძელოთ. 

ზოგჯერ, წარმატებასთან ერთად, ადამიანები იცვლებიან, მაგრამ ისინი ისეთივე ბუნებრივები არიან. 

მალე “კამპ ნოუზე” ჩემპიონთა ლიგის მატჩი გვაქვს და ვიმედოვნებ, სტადიონი გაივსება. ჩვენ მათ ყველაფერს ვაძლევთ, რადგან ისინი ამას იმსახურებენ.

პუტელიასი გუნდს ლიდერობს, თუმცა გუნდურ და ინდივიდუალურ ჯილდოებს ყველა იგებს. 

კალათბურთში ჩვენ მოგებები უკვე დავიწყეთ. ამ გუნდს ყველაფრის მოგება შეუძლია. ვიმედოვნებთ, რომ კელნში გასამართ ფინალურ ოთხეულში მოვხვდებით. რაც შეეხება ხელბურთს, ვხედავთ, რომ ლიგა ახლოვდება. გუნდი ძალიან კონკურენტუნარიანია. 

ჩვენ თანამედროვეობას ვუწყობთ ფეხს. თუ რეფერენდუმის ჩატარება კიდევ მოგვიწევს, მაგალითად მაისურის სპონსორობისთვის, მასაც ელექტრონულად გავაკეთებთ.

ქალაქის საკრებულოსგან დასტურს ივნისში მივიღებთ. 2025 წელს უკვე განახლებული სტადიონი უნდა გვქონდეს.

ყველაზე ლოგიკური არჩევანი მონჟუიკის ოლიმპიური სტადიონი იქნება. 

Espai Barca მიმზიდველი პროექტი იქნება. ობიექტები ქალაქისთვის ღია იქნება. ის ბარსელონას ფიზიონომიას ოდნავ შეცვლის.

მე შეწუხებული ვარ იმით, რაც იქ ხდება. ყოველდღე საშინელ ამბებს ვკითხულობ. გამოსავალი უნდა მოიძებნოს, ეს დამოკიდებულია რუსეთზე, ნატოზე, უკრაინაზე… ჩვენ წითელ ჯვართან დადებული შეთანხმებით ვცდილობთ ლტოლვილებს ბარსელონაში ჩამოსვლაში დავეხმაროთ. 

ჩვენ ყველას უფლებებს პატივი უნდა ვცეთ. ჩვენ ნაბიჯი წინ გადავდგით, რადგან ძალიან მკაფიო პოზიცია გვაქვს, შესაბამის ზომებსაც ვიღებთ. ვცდილობთ, საკუთარი თავი საუკეთესოდ გამოვხატოთ. ინკლუზიის თავი წესდებაში ჩვენთვის ძალიან აქტუალურია. ხვალ ქალთა დღეა და სიურპრიზებს ელოდეთ. კონკრეტულად რას? მხოლოდ იმის თქმა შემიძლია, რომ გამორჩეულები ვიქნებით.

ჩვენ ძალები ბოლომდე არ აღგვიდგენია, თუმცა სწორ გზაზე ვდგავართ. იმედი უნდა ვიქონიოთ. “ბარსა” ცოცხალია და ეს ყველას დამსახურებაა. ჩვენ მუშაობა მთელი სერიოზულობით უნდა გავაგრძელოთ.