მომდევნო სეზონისთვის “ბარსელონას” ერთ-ერთი საზრუნავი დაცვის მარცხენა ფლანგის გაძლიერებაა, რადგან ჟორდი ალბას, რომელიც მალე 33 წლის ხდება, სათანადო რეზერვისტი არ ჰყავს.
ბოლო დროს “ბლაუგრანას” სამიზნეებს შორის ხოსე გაია და კლუბის აღზრდილი ალექს გრიმალდო სახელდებიან. ცნობილია, რომ “ბარსას” პრიორიტეტი აქამდე “ვალენსიელი” გაია იყო, მაგრამ ახლა სიტუაცია შეიცვალა და კატალონიურ გუნდში გადასვლის მეტი შანსი “ბენფიკას” მარცხენა მცველ გრიმალდოს აქვს.
პრიორიტეტის შეცვლა “ბარსელონას” ნებით არ მომხდარა. საქმე ისაა, რომ “ვალენსიას” ფეხბურთელის გაშვების სურვილი არ აქვს და მას ახალ ხელშეკრულებას სთავაზობს. გაიას კონტრაქტი 2023 წელს მთავრდება და თუ ფეხბურთელი მის გახანგრძლივებაზე უარს იტყვის, “ბარსას” ტრანსფერი გაუადვილდება, მაგრამ ბოლო კვირებში გავრცელებული ინფორმაციით, 26 წლის ფეხბურთელი “ღამურებში” დარჩენაზე ფიქრობს.
გრიმალდოს, გაიას მსგავსად, ამჟამინდელ კლუბთან კონტრაქტი 2023 წლამდე აკავშირებს. მას არაერთხელ განუცხადებია, რომ მშობლიურ გუნდში სიამოვნებით დაბრუნდება. იანვარში “ბენფიკამ” მის გაშვებაზე უარი განაცხადა, მაგრამ ზაფხულში სიტუაცია შეიცვლება, რადგან 26 წლის მარცხენაფლანგელს კლუბთან კონტრაქტი მალე უმთავრდება.
AS-ის ჟურნალისტის, ხავი მიგელის ცნობით, შექმნილ ვითარებაზე “ბარსელონამ” აქცენტის გრიმალდოზე გაკეთება გადაწყვიტა.
ნუ ერთ ერთი ხო მაინც გამოვა, თორემ ეს ალბა მოედანზე მოგვიკვდება მალე.
მომიყვანეთ ეს ბარსაში უაგრესია
ასაკი ერთნაირია. ჩესნად რო ვთქვათ გაია ლა ლიგასთან უფრო ადაპტირებული, მაღალი დონის მარცხენა მცველია, ესპანეთის ნაკრების ძირითადის კაციც, გრიმალდოსგან განხვავებით. მაგრად მევასება და ტეხავს ვალენსიაში რო უნდა მთელი ცხოვრება გაატაროს. როცა ბარსას ძირითადის კაციც გახდებოდა მალე. ნაკრებში შეთამაშებულია ესპანელებთან და დიდი ხანია ალბას კონკურენცია მოუგო. გრიმალდო კიდე ესე მარტივად ალბას ვერ მოსვამს სკამზე. თუ სტარტში წააგო კონკურენცია მერე დინი ან ფირპო დაემართება. ისე კი შედეგიანი მცველია, გოლებს იტანს, პასებს აკეთებს, სწრაფია. ანხელინო ან ეგ არ იქნებოდა ცუდი ვარიანტი. თან 20 მილიონზე მეტი არ უნდა დაგვიჯდეს. მარა იქნებ გაიას გადაუტრიალდეს ტვინი, პედრი გავი გარსია ტორესი ბუსი აქ არიან და ნაკრებში დაკერონ იქნებ.
ეგ რანაირად, ორივე 26 წლისაა, ნუ ლა მასია,რომ კოზირია ამ მხრივ ცხადია
გრიმალდო ლა მასიელიცაა და გაიაზე ახალგაზრდაც, რავი მე გრიმალდოს ვარიანტი უფრო მომწონს