სიტუაცია უსმან დემბელეს ტრანსფერთან დაკავშირებით

სატრანსფერო ფანჯრის მიწურულს, უსმან დემბელეს წასვლის საკითხი აქტუალური გახდა.

ამ მომენტისთვის, ფრანგი ყველაზე ახლოს “პარი სენ-ჟერმენთანაა”, თუმცა კლუბებს შორის შეთანხმება კვლავ არ არსებობს. მაღალია ალბათობისა იმისა, რომ დემბელეს პსჟ-ში ტრანსფერი არ შედგეს. ბოლო ინფორმაციით, მის გარშემო სიტუაცია ასეთია:

• დემბელე და “პარი სენ-ჟერმენი” კონტრაქტზე შეთანხმებულები არიან.
• ტრანსფერი სრულად კლუბებს შორის მიმდინარე მოლაპარაკებებზეა დამოკიდებული.
• განიხილება ფეხბურთელთა გაცვლა – იკარდი, დი მარია და ბერნატი.
• “ბარსელონას” პრიორიტეტს დემბელეს სანაცვლოდ ფულის მიღება წარმოადგენს – საუბარია 20 მილიონ ევროზე.
• “მანჩესტერ იუნაიტედი” დემბელეთი დაინტერესებული არაა.

Update: ფაბრიციო რომანო წერს, რომ ბოლო 12 საათში სიტუაცია არ შეცვლილა. კლუბები შეთანხმების მიღწევას კვლავ ვერ ახერხებენ. ასევე, მაურო იკარდი პსჟ-ის იანვარში დატოვებას არ აპირებს. Mundo Deportivo იტყობინება, რომ პარიზიდან შუა სეზონში წასვლა არც ხუან ბერნატს სურს.

დღეს, იანვრის სატრანსფერო ფანჯარა იხურება. გარდა დემბელეს წასვლისა, კატალონიური კლუბი პიერ-ემერიკ ობამეინგისა და ალექს გრიმალდოს ტრანსფერებზე მუშაობს.