მას შემდეგ რაც ალექსანდრ ჰლებმა “ბირმინგემ სიტისთან” გამართულ შეხვედრაში მძიმე ტრავმა მიიღო, იგი მკურნალობას მიუნხენში გადის.
სწორედ ამ დროს, მოთამაშის აგენტმა – ული ფერბერმა რადიოსადგურ “Rac1” – ს განუცხადა: “ჰლების ტრავმა ძალიან სერიოზულია, მან შეიძლება 4–5 კვირის მანძილზე თამაში ვერ შეძლოს, სწორედ ამიტომ ჯერ–ჯერობით რომელიმე კლუბთან მოლაპარაკების დაწყებაზე ლაპარაკი ზედმეტია. თავად ფეხბურთელი კი “ბარსაში” დარჩენას გეგმავს, მაგრამ ძალიან კარგად იცის, რომ იქ ადგილის დაკავება ურთულესი და თითქმის შეუძლებელი იქნება”.