აბდე ეზალზულის, რომელიც აფრიკის ერთა თასისთვის მაროკოს ნაკრების განაცხადში მოხვდა, ტურნირზე გამგზავრება არ სურს – ინფორმაცია ჟურნალისტ ჟერარ რომეროს ეკუთვნის.
ერთა თასი კამერუნში 9 იანვარს უნდა დაიწყოს, ტურნირის კალენდარი კი ევროპის ტოპ ლიგების კალენდარს ემთხვევა. ეს იმას ნიშნავს, რომ წასვლის შემთხვევაში ეზალზულის მოუწევს, “ბარსას” მატჩების საკმაოდ დიდი ნაწილი გამოტოვოს.
წყაროს ცნობით, აბდეს წარმომადგენლები მაროკოს ფეხბურთის ფედერაციასთან მოლაპარაკებებს აწარმოებენ იმისთვის, რომ ფეხბურთელი განაცხადს გამოაკლდეს. “ბარსელონას” შემადგენლობაში თავის დასამკვიდრებლად ეზალზულისთვის მომდევნო თვე ძალიან მნიშვნელოვანი იქნება და ახალგაზრდა შემტევს არ უნდა, რომ ამ დროს მწვრთნელის გეგმებიდან ამოვარდეს.
“ბარსას” პირველ გუნდში აბდეს დებიუტი 30 ოქტომბერს შედგა. ამის შემდეგ მან მონაწილეობა 8 შეხვედრაში მიიღო და გუნდს 1 გოლით დაეხმარა.
რავი აბა მათმა მწვრთნელმა თუ პრეზიდენტმა, აბდე წუთებს ითვლის ისე უნდაო ნაკრებში თამაშიო.
კი მაგრამ, დავიჯერო აბდეს გარდა დანარჩენი ფეხბურთელები ადგილობრივები ჰყავთ? მის გარდა არავინ თამაშობს ევროპაში?
თუ უნდათ, რომ სრული შემადგენლობა ჰყავდეთ ნაკრებში, მაშინ მის კალენდარს უნდა გადაიხედონ, რა ამბავია, ერთი თვით რომ მიჰყავთ ბიჭები, ამ პერიოდში ყველა "ფრონტზე" აქვთ გუნდებს თამაშები და მაშინ აფრიკელების ყიდვას რა აზრი ექნება, თუ მათ ვერ გამოიყენებენ!!!
ამის მწვრთნელი არ იყო, რო ამბობდა. აბდეს ერთი სული აქვს როდის ითამაშებს ჩვენთანო.
ზიგადად მაროკოში თამაშზე არ უნდა თქვას უარი და ამ მომენტში თუ გუნდს დაეხმარება მაშინ ჯობია განაცხადს მიღმა დარჩეს
მაროკო ისეთი ნაკრებია ამის გამოკლებით ბევრი არაფერი დააკლდება და ჩვენთვის ძირითადის კაცია ამ დროისთვის.
სწორია ! ჭკვიანი ბიჭია და კარგი მრჩეველიც ყავს როგორც ჩანს .