“ბარსელონას” თავდამსხმელი, სერხიო აგუერო, გულის პრობლემების გამო, კატალონიურ გუნდს მინიმუმ თებერვლის დასაწყისამდე დააკლდება.
არგენტინელი შეუძლოდ “ალავესთან” მატჩში გახდა, რისი მიზეზიც არითმია აღმოჩნდა. გავრცელებული ინფორმაციით, შესაძლოა, მას კარიერის დასრულებაც კი მოუხდეს.
ახლა კი, ვეტერანი ფეხბურთელი Twitch-ის საკუთარ არხზე დაზიანების შემდეგ პირველად გამოჩნდა და საინტერესო კომენტარი გააკეთა:
“ბევრ საუბარს არ ვაპირებ. უკვე ყველამ იცის, რომ რეაბილიტაციის პროცესი კარგად მიმდინარეობს. მინდა, იმ მხარდაჭერისთვის, რომელიც სოციალური ქსელებიდან მივიღე, ყველას მადლობა გადავუხადო.
ბევრი ადამიანი მწერს, რის გამოც მადლობელი ვარ. ახლა eSports-ის თამაშით ვერთობი და სხვა არაფერზე ვფიქრობ. მადლობა თანადგომისთვის”.
მოსალოდნელია, რომ 33 წლის შემტევი კლუბთან ერთად პრესკონფერენციას გამართავს, სადაც თავის მომავალზე ისაუბრებს, თუმცა, ზუსტი თარიღი ჯერ ცნობილი არაა.
ამის ფეხბურთი ეხლა პლეისტეიშენზე თუ იქნება, მინდორზე ამას აღარ შეუშვებენ.
ალექსანდრე გეგეჭკორი,
ფიფას კაცია
მაგრად მევასებოდა ყოველთვის აგუერო მაგრამ აწი მაგისი ფეხბურთი ვეღარ იქნება, გააგრძელოს ისევ სტრიმერობა
Pes ში რა მოსწონს უბრალოდ გამარკვიოს😁😁
აბა ასრულებსო კარიერას? 🤷🏻♂️
ფორმის პიკში მყოფი აგუერო დაგვხატავდა ეხა 🙃