ერთი დღე "ბარსას" ისტორიაში - 24 იანვარი

წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 24 იანვარს მოხდა.

თამაშები

24 იანვარს "ბარსელონას" 17-ჯერ უთამაშია. კატალონიელებმა 10 მატჩი მოიგეს, 5 ფრედ დაასრულეს და 2 წააგეს.

1955 წელი

დაიბადა "ბარსელონას" ყოფილი ფეხბურთელი ხესუს ლანდაბურუ, რომელმაც 1979-82 წლებში "ბარსელონას" მაისურით 70 თამაში ჩაატარა და 15 გოლი გაიტანა. 1981 წელს მან ესპანეთის თასი მოიგო.

1970 წელი

დაიბადა "ბარსელონას" ყოფილი მეკარე რობერტო ბონანო. 2001-2003 წლებში 74 შეხვედრა ჩაატარა, 77 გოლი გაუშვა და კარი მშრალად 28-ჯერ შეინახა.

1982 წელი

"კამპ ნოუზე" "დეპორტივო კასტელონთან" 4-3 მოგებულ შეხვედრაში კინიმ გაიტანა გოლი, რომელიც "ბარსასთვის" ლა ლიგაში მე-3000 გამოდგა.

1985 წელი

დაიბადა "ბარსელონას" ყოფილი ფეხბურთელი ხესუს ოლმო. "ლა მასიას" აღზრდილმა მოთამაშემ, 2006-2008 წლებში, პირველ გუნდში 2 შეხვედრა ჩაატარა.

1987 წელი

დაიბადა "ბარსელონას" ყოფილი ფეხბურთელი ლუის სუარესი. 2014-2020 წლებში "ბლაუგრანას" მაისურით ჩატარებულ 283 შეხვედრაში მან 195 გოლი გაიტანა და 113 საგოლე გადაცემა გააკეთა. კატალონიურ გუნდთან ერთად მან 13 ტიტული მოიგო - 4 ლა ლიგა, 4 ესპანეთის თასი, 2 ესპანეთის სუპერ თასი, 1 ჩემპიონთა ლიგა, 1 ევროპის სუპერ თასი, 1 მსოფლიოს საკლუბო ჩემპიონატი.

1999 წელი

"სარაგოსასთან" "კამპ ნოუზე" 3-1 მოგებულ შეხვედრაში "ბარსელონას" ტყუპი ძმების, ფრანკ და რონალდ დე ბურების ლა ლიგის დებიუტი შედგა.

2000 წელი

რივალდო FIFA-ს ვერსიით 1999 წლის საუკეთესო ფეხბურთელად დასახელდა. მე-2 ადგილზე დევიდ ბექჰემი გავიდა, ხოლო მესამეზე გაბრიელ ბატისტუტა.

2015 წელი

"ელჩესთან" სტუმრად ანგარიშით 6-0 მოგებულ შეხვედრაში ჟერარ პიკემ ლა ლიგაში თავისი მე-200 თამაში ჩაატარა.