ლუკ დე იონგი ჩავი ერნანდესის გეგმებში არ შედის და “ბარსელონაში” დიდი დრო არ უწერია. კატალონიელები ზამთრის სატრანსფერო ფანჯარაზე მის გასხვისებას შეეცდებიან.
Mundo Deportivo-ს ინფორმაციით, ნიდერლანდელი თავდამსხმელი, შესაძლოა, იანვარში “სევილიაში” დაბრუნდეს. წყაროს თანახმად, იმ შემთხვევაში, თუ “სანჩეს პისხუანის” ბინადრები ევროპა ლიგის ჯგუფურ ეტაპს დაძლევენ, გამორიცხული არაა, ანდალუსიელთა სპორტულმა დირექტორმა, მონჩიმ დე იონგი გუნდში დააბრუნოს. იუსეფ ენ-ნესირი ტრავმირებულია, მუნირ ელ ჰადადი კი ზამთარში მაროკოს ნაკრებს აფრიკის თასზე დაეხმარება, შესაბამისად, “სევილია” შეტევაში მნიშვნელოვანი ძალის გარეშე რჩება, გუნდს კი ისეთი თავდამსხმელი უნდა, რომელიც სათამაშო დინამიკაში სწრაფად ჩაერთვება – დე იონგი სწორედ ასეთია.
“ბარსელონამ” 31 წლის ფეხბურთელი გასულ ზაფხულში “სევილიადან” ერთწლიანი იჯარით დაიმატა. ნიდერლანდელმა 9 შეხვედრაში 1 გოლის გატანა მოახერხა.
"სევილია" შეტევაში მნიშვნელოვანი ძალის გარეშე რჩება, გუნდს კი ისეთი თავდამსხმელი უნდა, რომელიც სათამაშო დინამიკაში სწრაფად ჩაერთვება – დე იონგი სწორედ ასეთია.
ღადაობთ? რა ეგეთია 9 თამაშში 1 გოლი? ეს ნორმაა თავდამსხმელისთვის? ასე რო მესის ეთამაშა სეზონში 4-5 გოლი გამოუვიდოდა.
სიტარდი, კამბურიც ზედმეტია ამისთვის.
Ძალიან გაუᲭირდაᲗ ეტყობა
ხო გადმორგენ, ვერ გაიხარა, ხოდა გადარგონ ისევ სევილიაში, იქაც ვერ იხარებს მაგრამ მაინც,