ჟოან ლაპორტას განცხადება ბენფიკასთან მატჩის წინ

ჩემპიონთა ლიგაზე ძალიან მნიშვნელოვანი თამაში გვაქვს, მოედანზე მოსაგებად უნდა გავიდეთ, ჩვენ სამი ქულის მოპოვება გვჭირდება, რათა ჯგუფში ის პოზიცია დავიკავოთ, რაც შეგვეფერება. “ბენფიკა” იოლი მეტოქე არაა, თუმცა ჩვენ გვყავს გუნდი, რომელიც მუდმივად პროგრესირებს და დარწმუნებულნი ვართ, გამარჯვება შეგვიძლია.

ანსუ ფატი ენთუზიაზმსა და იმედს წარმოადგენს. გამიხარდა იმის ნახვა, თუ როგორ დაბრუნდა ის და როგორ გამოხატა მადლიერება მშობლებისა და ექიმების მიმართ. 

უშეცდომო არავინაა, თუმცა “ბარსას” მაღალი დონის სამედიცინო პერსონალი ჰყავს. ისინი, პროფესიონალური და პიროვნული თვალსაზრისით, ძალიან პასუხისმგებლიანი ადამიანები არიან.

ფატის დაბრუნებამა და გოლმა ყველა კატალონიელში ზღვა ემოცია წარმოშვა. ანსუს 10 ნომრის აღება სურდა და თქვა, რომ ამას იმ შემთხვევაში გააკეთებდა, თუ კაპიტნები ნებას დართავდნენ. ეს საქციელი მის პიროვნებაზე მიუთითებს. ფატი გამტანი ფეხბურთელია, რომელსაც თამაშის ბედის გადაწყვეტა შეუძლია. 

ფატის, დემბელესა და აგუეროს დაბრუნების შემდეგ, უფრო კონკურენტუნარიანი გუნდი გვეყოლება, რაშიც გულშემატკივრებიც დაგვეხმარებიან, რომლებიც საშინაო მატჩებში ჩვენს მხარდაჭერას არ წყვეტენ.

“ლა მასია” იმ სტილის განუყოფელი ნაწილია, რომელსაც ჩვენ მივყვებით. ჩვენ კიდევ უფრო უნდა განვვითარდეთ. თუ ჩვენს სტილს მაღალი დონის სპორტულ ტექნიკას შევუთავსებთ, ისეთ დონეს მივაღწევთ, რომელიც თანამედროვე გუნდს სჭირდება. სხვები აქცენტს ფიზიკურ მომზადებაზე აკეთებენ, ჩვენ კი ჩვენი ტექნიკის წყალობით დაუმარცხებლები გავხდებით.

ეს ძალიან დიდ ეკონომიკურ ზიანს ნიშნავს. ჩვენ პასუხისმგებლობით ვიქცეოდით, მაგრამ გვჯერა, რომ ღია სივრცეში ამ შეზღუდვის მოხსნა შეიძლება. ლა ლიგა გულშემატკივართა 100%-ის დასწრების უფლებას გვაძლევს და გაგვიხარდებოდა, თუ კატალონიის სამოქალაქო უსაფრთხოების საბჭო ამას გაიზიარებდა. მათ გადაწყვეტილებებს პატივს ვცემთ, მაგრამ არ შევწყვეტთ იმაზე საუბარს, რომ ისინი ფინანსურად გვაზარალებს. კმაყოფილნი ვიქნებით, თუ ისინი საკითხს სხვაგვარად შეხედავენ და შეზღუდვებს შეამსუბუქებენ.