– “ბარსას” გულშემატკივრების რაოდენობა ამერიკაში გაკვირვებთ?
– ჩვენ გულშემატკივრების დიდი მასა ვნახეთ “ბარსას” მაისურში. ეს კლუბისთვის ძალიან მნიშვნელოვანია.
– როგორ მიმდინარეობს სუპერთასისთვის მზადება?
– კიდევ ბევრი რამ გვაქვს გასაკეთებელი. სუპერთასზე გუნდი მთელი შემადგენლობით იქნება და მაშინ ვნახავთ, როგორი მომზადებული ვიქნებით.
– ყველა მზად იქნება?
– რა თქმა უნდა. მესის მონაწილეობა სუპერთასზე არ გამოირიცხება, ისევე როგორც ალვეშის, მასკერანოს და მილიტოს. 8 აგვისტოს ყველა შევიკრიბებით და მატჩის წინა დღეს გადაწყდება, თუ ვინ წავა მადრიდში.
– ფიქრობთ მოურინიოსთან ფსიქოლოგიურ ომზე?
– არა.
– ნერვიულობთ ჩავის და პუიოლი ტრავმებზე?
– ორივე მწყობრში იქნება.
– გულშემატკივრები მათ პრე–სეზონის მატჩებში ნახავენ?
– ჩავი და პიკე სავარაუდოდ “ჩივასთან” ითამაშებენ. პუიოლის დაბრუნების თარიღი ჯერ ზუსტად არ ვიცით.
– კმაყოფილი ხართ ტურნეს მიმდინარეობით?
– სამწუხარო მხოლოდ სორიანოს და აფელაის ტრავმებია.
– რას ელით სანჩესისგან?
– მან სარგებელი უნდა მოგვიტანოს. თუ ეს არ მოხდა მთელი პასუხისმგებლობა ჩვენზე იქნება. ვეცდებით მას ყველაფერში დავეხმაროთ.
– სეზონისთვის შემადგენლობა დაკომპლექტებულია?
– არასწორი იქნება ვიწუწუნო იმ შემადგენლობაზე, რომელიც ახლა მყავს. გასაკეთებელი მხოლოდ ერთი ტრანსფერი დარჩა და ყველამ იცის ვისზეა საუბარი. თუ ეს ტრანსფერი არ განხორციელდება გამოვიყენებთ ფილიალის ფეხბურთელებს.
– რატომ გამოიძახეთ ამერიკაში დეულოფეუ და გომესი?
– ძირითადი შემადგენლობის ფეხბურთელების ტრავმების გამო. მე არ მსურს ფეხბურთელების გადატვირთვა.