“ბარსელონას” ნახევარმცველმა, იბრაჰიმ აფელაიმ გაგვიზიარა თავისი აზრი “ინტერნაციონალთან” გამართული მატჩის შემდეგ და საკუთარი მომავლის შესახებ ისაუბრა..
“ჩვენ უამრავი საგოლე მომენტი შევქმენით, რომელთაგან ბევრი ვერ გამოვიყენეთ. სტადიონზე შესანიშნავი ატმოსფერო იყო და ჩვენ კარგი თამაში ვაჩვენეთ” – განაცხადა აფელაიმ.
“რაც შეეხება ჩემს მომავალს “ბარსელონაში”, იმედი მაქვს, რომ გუნდში დავრჩები. მზად ვარ მთელი ძალით ვიშრომო ვარჯიშებზე და ბოლომდე დავიხარჯო თამაშებში ოღონდ ჩემმა გუნდმა გაიმარჯვოს” – დაასრულა აფელაიმ.