ჩემპიონთა ლიგის წილისყრის თარიღი ცნობილია

UEFA-მ ცოტა ხნის წინ ჩემპიონთა ლიგის ჯგუფური ეტაპის წილისყრის თარიღი ოფიციალურად დაადასტურა. იგი 26 აგვისტოს თურქეთში, კერძოდ, ქალაქ სტამბოლში გაიმართება.

“ბარსელონა” მე-2 კალათში იმყოფება, რაც იმას ნიშნავს, რომ “ბლაუგრანა” ჯგუფში პირველი, მე-3 ან მე-4 კალათის გუნდებთან ითამაშებს.

აქვე წარმოგიდგენთ კლუბებს, რომლების მონაწილეობაც ჩემპიონთა ლიგის ჯგუფურ ეტაპზე უკვე გადაწყვეტილია:

• პირველი კალათა: ჩელსი, ვილიარეალი, ატლეტიკო, სიტი, ბაიერნი, ინტერი, სპორტინგი, ლილი
• მე-2 კალათა: ბარსელონა, რეალი, იუვენტუსი, მანჩესტერი, პსჟ, ლივერპული, სევილია, დორტმუნდი
• მე-3 კალათა: პორტუ, აიაქსი, ლაიფციგი, ატალანტა, ზენიტი
• მე-3 ან მე-4 კალათა: ბეშიქთაში, კიევის დინამო, ბრიუგე
• მე-4 კალათა: მილანი, ვოლფსბურგი

აქვე შეგახსნებთ, რომ 2021/22 წლების სეზონიდან ჩემპიონთა ლიგის ფლეი ოფში გასვლაზე გატანილი გოლის უპირატესობის წესი უქმდება, რაც იმას ნიშნავს, რომ თამაში დამატებით დროში გადავა, თუ გუნდები 2 მატჩის ჯამში თანაბარი რაოდენობის გოლებს გაიტანენ.