სერხიო ბუსკეტსი სლოვაკეთთან თამაშის შემდეგ

“ძალიან აღელვებული ვარ. რთული პერიოდი მქონდა, 10 დღე სახლში ვიჯექი და ჯერ არ ვიცოდი, შევძლებდი, თუ არა დაბრუნებას.”
“ეს გუნდი უბრალოდ გასაოცარია. მინდოდა, რომ აქ მათთან ერთად ვყოფილიყავი, ვინაიდან, ეს ჩემი ბოლო ევროპის ჩემპიონატია. სწორედ ასეთი მომენტების გამო მიყვარს ფეხბურთი.”

“ეს არის გზა, რითაც უფრო გავუმჯობესდებით. გამარჯვება კი გამბედაობას და ფსიქოლოგიურ სიძლიერეს შეგვმატებს.”

“ამ გუნდში სათამაშო დრო ისევ მაქვს. მას შემდეგ, რაც უთამაშებლობა მომიწია, დღეს მოედანზე ყოფნა წინ გადადგმული ნაბიჯი იყო. მეორე ტაიმში კუნთზე დისკომფორტი ვიგრძენი და მწვრთნელთან შეთანხმების შემდეგ მოედნიდან გასვლით რისკი თავიდან ავირიდეთ.”

“ახლა მსოფლიოს ჩემპიონატის ფინალისტებს ვხვდებით. იმედი მაქვს, ასეთ წარმატებულ სვლას განვაგრძობთ და მიზანს კიდევ ერთი ნაბიჯით მივუახლოვდებით.”

“ხორვატია შეცვლილია, რადგან მათმა 1-2-მა ვეტერანმა სანაკრებო კარიერა უკვე დაასრულა, მაგრამ ხორვატებს ახალი თაობაც ძალიან ნიჭიერი ჰყავთ. მათთან ერთად თამაშობენ გამოცდილი და უმაღლესი დონის ფეხბურთელები, ჰყავთ კარგი მწვრთნელი, რაც საბოლოო ჯამში ძლიერ გუნდს ქმნის.”

“რაც შეეხება პენალტს, ის ადამიანები, რომლებიც ცდებიან ან არ გამოსდით, წარუმატებლობის მიუხედავად, საკმარისად მამაცები მაინც არიან, რათა პასუხიმსგებლობა საკუთარ თავზე აიღონ. ვფიქრობ, პენალტის ვერგამოყენებამ კიდევ უფრო მეტი შემართება შეგვმატა, რამაც ბოლოს წარმატება მოგვიტანა.”