დემბელე “ბარსელონას” შეთავაზებას არ ეხმაურება

კატალონიური Sport “ბარსელონას” 23 წლის თავდამსხმელ უსმან დემბელესთან დაკავშირებით ახალ ინფორმაციას ავრცელებს. 

წყაროს ცნობით ფეხბურთელის წარმომადგენლები “ბარსას” პარალელურად მოლაპარაკებებს ტურინის “იუვენტუსთან” აწარმოებენ. “ბარსელონას” ახალ პრეზიდენტს უსმანთან კონტრაქტის გახანგრძლივება სურს, მაგრამ შეთავაზებიდან 2 კვირის შემდეგ დემბელეს მხრიდან გამოხმაურება არ ყოფილა. 

თუ ფრანგი შემტევი დარჩენაზე მკაფიო უარს იტყვის, მაშინ “ბარსა” ეცდება, რომ ის 2022 წლის ზაფხულამდე – როცა მის ახლანდელ კონტრაქტს მოქმედების ვადა ეწურება – სარფიანად გაყიდოს. 

“იუვენტუსი” იდეალურ შემთხვევაში დემბელეს კონტრაქტის ამოწურვამდე მოცდას აპირებს, მაგრამ მისთვის ხელფასის გაზრდაზე თანახმაა და სავარაუდოდ, ტრანსფერის წლევანდელ ზაფხულში განხორციელებაზეც (50-60 მილიონი ევროს სანაცვლოდ) თანახმა იქნება. 

იტალიის მოქმედი ჩემპიონის გარდა დემბელეს დამატების სურვილს “ლივერპულიც” გამოთქვამს.