“ბარსელონას” სრულ შემადგენლობას PCR ტესტირება ჩაუტარდა

ლა ლიგის ხელმძღვანელების მიერ შედგენილი პროტოკოლის თანახმად, “ბარსელონას” სრულმა შემადგენლობამ, იმ ფეხბურთელების ჩათვლით, რომლებსაც სანაკრებო პაუზის დროს კატალონია არ დაუტოვებიათ, PCR ტესტირება ჩაიტარეს. 

Mundo Deportivo-ს ინფორმაციით, კორონავირუსი არცერთ მათგანს არ დაუდასტურდა. 

ასე რომ, “ბარსა” “ვალიადოლიდს” დამატებითი დანაკლისის გარეშე შეხვდება. გუნდს ტრავმის გამო ნეტუ, ჟერარ პიკე, ფილიპე კოუტინიო და ანსუ ფატი ვერ დაეხმარებიან.

რონალდ კუმანის შეგირდები “კამპ ნოუზე” 5 აპრილს ითამაშებენ. მათი მეტოქე ესპანეთის ჩემპიონატის სატურნირო ცხრილში მე-16 ადგილს იკავებს, “ბარსელონას” კი “ატლეტიკოსთან” 1 ქულამდე მიახლოების შანსი ექნება.