მესი-გრიზმანის დუეტი ლა ლიგაში, შედეგიანობის მხრივ, საუკეთესოა

კატალონიის “ბარსელონას” შემტევები, ლიონელ მესი და ანტუან გრიზმანი ლა ლიგის საუკეთესო შემტევ დუეტად ჩამოყალიბდნენ. 

არგენტინელი და ფრანგი არა მხოლოდ გოლების საერთო რაოდენობით (28), არამედ საგოლე გადაცემების საერთო რაოდენობითაც (15) უპირობო ლიდერები არიან. 

“ბლაუგრანელებს” “ატლეტიკოს” შემტევების, ლუის სუარესისა და მარკოს ლორენტეს დუეტი მოჰყვება – 22 გოლი და 10 საგოლე გადაცემა.

მესამე პოზიციას მიკელ ოიარსაბალი და ალექსანდერ ისაკი (რეალ სოსიედადი) იკავებენ – 22 გოლი და 8 საგოლე გადაცემა.

აღსანიშნავია ის ფაქტი, რომ ზემოხსენებული შედეგის უდიდესი ნაწილი ლეო მესის კისერზეა – მან “ლურჯ-ბროწეულისფერთა” მაისურით 21 გოლი გაიტანა და 9 ასისტი გააკეთა, ანტუან გრიზმანზე კი 7 გოლი და 6 საგოლე გადაცემა მოდის.

არგენტინელი შემტევი პიჩიჩის ჯილდოსათვის ბრძოლაშიც ლიდერია. მისი უახლოესი მდევარი, 18 გოლით, ლუის სუარესია.