უმტიტი ძირითადში? | 3 სახის ტაქტიკური მონახაზი პსჟ-სთან

ჩემპიონთა ლიგის მერვედფინალური ეტაპის განმეორებით შეხვედრას “ბარსელონა” ახალი პრეზიდენტით, მინიმალური შანსით და დიდი შემართებით ხვდება. 

ლა ლიგაში ლიდერ “ატლეტიკოსთან” სხვაობის შემცირებით და ზედიზედ 15-მატჩიანი დაუმარცხებელი სერიით “ბლაუგრანაში” იდეალური განწყობაა შექმნილი.

კატალონილების მთავარი დანაკლისი რონალდ არაუხო იქნება. რასაკვირველია, კვლავ ვერ ითამაშებენ დიდი ხნით ლაზარეთში მყოფი ფეხბურთელებიც.

რონალდ კუმანი “პარკ დე პრენსზე” გასამართ მატჩს ოპტიმისტურად ხვდება. ქვემოთ სამ სავარაუდო ტაქტიკურ მონახაზს განვიხილავთ, რომელთაგან ერთ-ერთიც, შესაძლოა, ნიდერლანდელმა სპეციალისტმა “პსჟ-სთან” გამოიყენოს.

ვარიანტი N1 | 3 ცენტრალური მცველი უკანა ხაზში

3-მცველიანი ტაქტიკა “ოსასუნასთან” და “სევილიასთან” მომგებიანი აღმოჩნდა, თუმცა საკითხავი ის არის, თუ რამდენად იმუშავებს ეს პსჟ-სთან.

ამგვარი სქემით “ბარსელონა” დაცვაში უფრო მჭიდროდ და კომპაქტურად თამაშობს და კონტრ-იერიშებზეც მწვავედ გადასვლას ახერხებს.

ვარიანტი N2 | გრიზმანი და დემბელე ძირითადში

4-3-3 ფორმაციას “ბარსა” ყველაზე ხშირად იყენებს. ძირითად შემადგენლობაში გრიზმანისა და დემბელეს განწესება კი კატალონიელთა შეტევებს უფრო სახიფათოს გახდის.

ორივე მათგანს პოზიციის გაცვლა თავისუფლად შეუძლია, მესი კი ცენტრიდან იაქტიურებს.

ვარიანტი N3 | ბრეითუეიტი ცენტრალურ თავდამსხმელად

მარტინი “ბარსას” ძირითადი შემტევი არ ყოფილა, თუმცა მას ჩემპიონთა ლიგაზე უფრო მეტი გოლი აქვს გატანილი(3), ვიდრე ლა ლიგაში(2).

მისთვის შანსის მიცემის შემთხვევაში, შესაძლოა, დანიელმა ლეოზე გადართული მცველების ზურგს უკან არსებული სივრცე მარტივად გამოიყენოს და საკუთარი გუნდისთვის პროდუქტიულიც აღმოჩნდეს.

შეგახსენებთ, შეხვედრა თბილისის დროით 23:55-ზე დაიწყება და პირდაპირ რეპორტაჟს სილქ უნივერსალი შემოგთავაზებთ.