“ბარსელონას” ლეგენდარული მეკარე ვიქტორ ვალდესი მის მშობლიურ კლუბში ბრუნდება. ამის შესახებ ინფორმაციას Mundo Deportivo ავრცელებს.
კატალონიური წყაროს ცნობით, ჟოან ლაპორტას გაპრეზიდენტების შემდეგ პირველი ლეგენდა, რომელიც “ბლაუგრანაში” დაბრუნდება, ვიქტორ ვალდესია. იგი “ბარსას” სკოლის აკადემიაში მეკარეების მწვრთნელი იქნება.
ვალდესი “ბარსელონას” აღზრდილია. ის კატალონიელთა პირველ გუნდში 2002-2014 წლებში ირიცხებოდა. ვიქტორს “ბარსასთან” ერთად 26 ტიტული მოუგია: 3 ჩემპიონთა ლიგა, 6 ლა ლიგა, 2 ესპანეთის თასი, 2 მსოფლიოს საკლუბო ჩემპიონატი, 2 ევროპის სუპერ თასი, 6 ესპანეთის სუპერ თასი, 5 კატალონიის თასი.
