ყველა განსხვავებულნი ვართ | “ბარსას” გამოხმაურება 8 მარტს

8 მარტს, ქალთა საერთაშორისო დღის აღსანიშნავად, “ბარსელონას” გოგონათა და ვაჟთა გუნდები მოედანზე სპეციალური ფორმებით გამოვლენ.

მაისურების წინა მხარეს დატანებული იქნება წარწერა: “რა გხდის შენ განსხვავებულს?” უკანა ფონზე კი სწორედ 8 მარტის გამო 8M იქნება ამობეჭდილი.

გოგონებს მაისურების ზურგზე გვარის ნაცვლად მათთვის სასურველი სიტყვის დაწერა შეეძლებათ.  მაგალითისთვის: გრძნობა, ვნება, სიმამაცე, თავგანწირვა, სიძლიერე. მთავარი მწვრთნელი ლუის კორტესი კი შეხვედრისას იასამნისფერი სამკლავურით იქნება. 

რაც შეეხებათ ვაჟებს, მათაც მსგავსი მაისურები ეცმევათ, უბრალოდ განსხვავებული წარწერით, როგორიცაა პატივისცემა, ოპტიმიზმი, ძალისხმევა.

შაბათს თბილისის დროით 18:00-ზე გოგონები “სანტა ტერეზას” შეხვდებიან, ვაჟები კი 6 საათის შემდეგ – “ოსასუნას”.