ხუან კარლოს უნსუე: გადავწყვიტე ცხოვრებისთვის აზრი შემეძინა

ეს დღე განსაკუთრებული იყო. ქამბექის განწყობა ჯერ ლუისმა [ენრიკემ] პრესკონფერენციაზე შექმნა, შემდეგ კი გულშემატკივრები 90 წუთის განმავლობაში, გუნდის მხარდაჭერას არ წყვეტდნენ. ვფიქრობ, გადამწყვეტი სწორედ ის თავდაჯერებულობა და გამარჯვების რწმენა იყო, რომლითაც ფეხბურთელები მოედანზე გამოვიდნენ.

იგი რამდენიმე თვის წინ მესტუმრა. ფეხბურთსა და ცხოვრებაზე ვისაუბრეთ. რონალდი რთულ სიტუაციაში მყოფ გუნდს ძალიან კარგად უძღვება.

ყოველთვის ვიცოდი, რომ მარკი “ბარსას” მეკარე იმდენ ხანს იქნებოდა, რამდენსაც თავად ისურვებდა. პირველ სეზონებში, ლა ლიგაში კლაუდიო ბრავო თამაშობდა. მარკს სწამდა, რომ ძირითადი მეკარის სტატუსს იმსახურებდა. კლაუდიოსთან კონკურენცია მას ძალიან დაეხმარა ყოფილიყო იმ დონეზე, რომელზეც დღესაა. როგორც კარგ გერმანელს, მას აქვს ის პიროვნული თვისებები, რომლითაც საუკეთესო გახდა.

გულის სიღრმეში, მისი გადაწყვეტილების მესმის. მან სარისკო, ამბიციური ნაბიჯი გადადგა. ნეიმარმა იცოდა, რომ მესისთან ერთად, ერთ გუნდში საუკეთესო ვერ გახდებოდა.
ალბათ, წარმატების მეტი შანსი უფრო ძლიერ ჩემპიონატში ექნებოდა, ვიდრე ლიგა 1-ია. როდესაც ყოველდღიურად უმაღლესი დონის მეტოქეს ეთამაშები, პროგრესს უფრო მეტად ახერხებ.

დიაგნოზის დასმის შემდეგ, ჩემი ცხოვრება რადიკალურად შეიცვალა. სხეულის შეზღუდული შესაძლებლობების გამო, მარტივი, ყოფითი რაღაცების გასაკეთებლად უფრო მეტი დრო მჭირდება.

ქუჩაში მარტო გასვლას ვერ ვახერხებ. თუ ჩემი მეუღლე სახლში არ არის, რომელიმე მეგობარს ვურეკავ და ის მეხმარება გადაადგილებაში.

ეს საკმაოდ რთული დაავადებაა, რომელიც დიდ ფინანსურ რესურსს საჭიროებს. პაციენტებს 24 საათი, კვირაში 7 დღე, მომვლელი სჭირდებათ.

მიუხედავად ყველაფრისა, ვცდილობ ის შესაძლებლობები დავინახო, რომელსაც ეს დაავადება იძლევა. ახლა უფრო მეტი ფიქრის საშუალება მაქვს, ვიდრე ადრე.

საწუწუნო არაფერი მაქვს. ბედნიერი ვარ იმ ცხოვრებით, რომელიც მქონდა. მე და ჩემმა მეუღლემ კარგი ოჯახის შექმნა შევძელით, 3 ჯანმრთელი შვილი გვყავს, რომლებიც უკვე ცხოვრების თავიანთ გზაზე დგანან. 53 წელი ცხოვრებისგან სიამოვნებას ვიღებდი. უკმაყოფილების არც საფუძველი მაქვს და არც უფლება. გადავწყვიტე, რომ ცხოვრებისთვის აზრი შემეძინა და ეს ყველაფერი იმაზე უფრო შთამბეჭდავი აღმოჩნდა, ვიდრე განვილილი საფეხბურთო კარიერა. მინდა, იმ ადამიანებს დავეხმარო, რომელთაც ამ დაავადებასთან თანაცხოვრება უწევთ.