დესტი დაბრუნდა – “გრანადასთან” მატჩის განაცხადი ცნობილია

“ბარსელონამ” “გრანადას” წინააღმდეგ გასამართი ესპანეთის თასის 1/4-ფინალური მატჩის განაცხადი გამოაქვეყნა.  

ყველაზე მნიშვნელოვანი სიახლე სერჟინიო დესტის დაბრუნებაა, რომელიც გუნდს ტრავმის გამო 2 კვირის განმავლობაში ვერ ეხმარებოდა. 

სრული განაცხადი ასეთია: ტერ შტეგენი, დესტი, არაუხო, ბუსკეტსი, გრიზმანი, პიანიჩი, ბრეითუეიტი, მესი, დემბელე, პუჩი, ნეტუ, ლანგლე, პედრი, ტრინკაუ, ალბა, რობერტო, დე იონგი, უმტიტი, მინგესა, ტენასი. 

ტრავმირებულ ფეხბურთელთა შორის არიან ჟერარ პიკე, ფილიპე კოუტინიო და ანსუ ფატი. მწვრთნელის გადაწყვეტილებით განაცხადში ჟუნიორ ფირპო და მატეუს ფერნანდესი ვერ მოხვდნენ. 

შეგახსენებთ, რომ “გრანადასთან” შეხვედრა ხვალ, თბილისის დროით 23:55 საათზე დაიწყება.